LUKE 11:36 - Kathara Bible (BSI)

³⁶ Naphasā tongtingda tangkhamang maleilakla kahorna pemtinghaiakha thaohmeiwui kahorna horrorkhami thada horchamrihaora.”

LUKE 11:36 Iomraidhean Croise

CHĀNSAM 1:5

thangkhameibingnala shālaga tamkakhui mataisang khavai, kala theishingkakhuibingna kathem samphang khavai,

CHĀNSAM 20:27

Miwui manglā Prohowui thaomei na, awui thukmeikap kaja alung saikora phai.

CHĀNSAM 6:23

Kaja ningkhami hi thaomei na, kala tamkachitheina kahorna; kala kharākwui hāngkhamachin mirinwui apongna,

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 8:20

Tamkachithei kala shākhili yanglu! Athumna matuida khalei tui chili zingthan maleimana.

HOSEA 6:3

Ithum theisa kaja, Proholi theikhavai sakchangda hotnāsa; ana sāki kaji chi kazing kathang thāda makahatlakmana; ana ithumli zngrot thāda rāra, ngaleili ikkhami zingrot thāda.”

MATTHEW 13:52

Chieina ana athumli hānga, “Chiwui vang eina kazing wungramwui vang tamchithei kahaia ain kathema kachiva̱ chiya shimva̱ akha kathāna, ana awui lan kazip kahai kāwui eina kadhara kala kachama lan khuikashok kathāna.”

MATTHEW 5:15

Lha mibingna thaomei sharlaga luk eina makhumhaimana. Kha thaomei sharkhavai meishongli haida shimlungli khalei saikorana kahor samphanga.

LUKE 11:35

Chiwui vang eina nawuili khalei kahor chi matangmanghai khavai ningngasharlu.

LUKE 11:37

Jishuna matuikup kahaiwui thili Pharisee akhana phazāt rāngarummi khavai hoi. Chieina Jishuna vāda aphazāngaruma.

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.

EPHESIANAO 4:14

Chithākha ithum marei-marā awor eina kateibingli khanguili thānkasang mikhanamabingwui tamkachithei, chiwui masi china phanung-phanvāda yuiung-yuivā kaje naoshinaobing chikathā mangasāmara.

COLOSSIANAO 3:16

Khristawui tui hi nathumwui wuklungli pemtinghai ngasaklu. Nathum akha eina akha theithangmeilak eina tamchithei ngaroklu kala machin ngaroklu. Laa einala, masotlaa einala kala kathara laa einala Vareli nathumwui wuklungli ningkashi eina ngasoda sochikatlu.

HEBREWNAO 5:14

Kha zāt khamarar hi khararnaobingwui vang, ningphaninwui pangshap eina kashikaphā theishapabingwui vangna.

JAMES 1:25

Kha kachikathāna kākashung kala ningkhān khangasaka ainli saklak eina singda mayontitakha kala kashāmāng maningla otsak eina ngasoda saakha awui kasāsāli Varena somira.

2 PETER 3:18

Kha ithumwui Proho kala Huikhame Jishu Khristawui lukhamashan kala aworwui lungli nathum rarsanglu. Awui mingli aruila, naodala mashimānda tekmateichingra̱nu. Amen.