LUKE 11:29 - Kathara Bible (BSI)

²⁹ Mi chungsangmamān kaji eina Jishuna yirphoka, “Thot hi makaphā thotna; thot hina machut phai, kha Jonahwui machut chi maningla machut khangatei mamimara.

LUKE 11:29 Iomraidhean Croise

EZEKIEL 24:24

Chiwui vang eina Ezekiel hi nathumwui vang machut akha ngasāra; ana kasāsā saikora nathumla sāra. Hi ungkashung tharan I Proho VAREna da nathumna theira.”

JONAH 1:1

Amittaiwui naomayara Jonahli Prohowui tui chi hithāda rāhānga.

MATTHEW 3:7

Pharisee eina Sadducee kachungkhana ra̱hik khavaiwui vang kharā chi ana kathei tharan athumli hānga, “He phara̱wui naongarābing! Rāki kaji malungkhavātwui eina yāmkhavai nathumli khipāna hāngkhala?

MARK 8:38

Vareli makathei makaphā thot hili kachikathāna iwui kala iwui tuiwui vang khayakakha, miwui Naomayarana Avāwui tekhamatei eina kazingraobingli ngasoda kharā tharan awui vangla khayakhaora.”

LUKE 11:16

Khangatei kaikhana ali chāng yangkida “Kazingramwui eina machut akha chitheilu” da poi.

LUKE 11:50

Chiya, okathui haokaphokwui eina thuilaga marān saikorawui ashee tākahai chiwui vang mithot hili kashong rāngra.

LUKE 12:1

Mi thingthing rākazipta mi akhana akhali naiza̱ ngarokta leilakha, Jishuna rimeikapta awui sākhangatha̱bingli hānga, “Phariseebingwui khawok makazang phākakhaning chili ningngasharlu.

LUKE 9:41

Jishuna ngahānkai, “He shitkasang makhaleia kala mashongachei kahai mithot, ina nathumli karankha ngasopamfara kala ja̱mifarakhala? Nawui nao chi hili khuirālu.”

JOHN 2:18

Jihudiwui kathānabingna hānga, “Nana hi kasāwui mashun leiya da chithei khavai khi machut leikhala?”

JOHN 6:30

Athumna ngahānkai, “Ithumna theilaga nali shitsang khavai nana khi machut leikhala? Nana khi sahairakhala?

JOHN 8:44

Nathum nathumwui avāva̱ chipee chiwuina, chieina nawui sākhangaiva nathumwui avāwui ningkachāng kasā china. Haokaphokwui eina a mi khayumana, kala khamashung ot masālakmana, kaja awuili khamashung maleimana. Kakapik hi awui khangachāna, kaja a kakapikana kala kakapik saikorawui avāva̱na.

1 CORINTHNAO 1:22

Kaja Jihudibingna machutkhui khavai matakhak kahai ot ningchānga kala Gentilebingna thangkhamei phai.