LUKE 11:22 - Kathara Bible (BSI)

²² kha ali pangkhameia akhana shim rākaida yuihaiakha ana chihānkasa khutlai saikorala ngapaikhuihaora kala ngaponkakhui otla athum ngayarhaora.

LUKE 11:22 Iomraidhean Croise

HAOKAPHOK 3:15

Ina sha̱nao naniwui ngachaili kala nawui athei eina awui atheiwui ngachaili yangshi khangarok leingasakra; ana nakui naikhaira, kala nana aphei maja̱li makeira.”

SHONGZĀ 15:9

Yangkashena, ‘Ina kharomvāra; ina angaphankhuira’ da hānga. Ngaponkakhui chi ngayarkhuida iwui ningyāngkhaung sākhuira; Iwui raighai sutkhuida ipāng eina athumli sāshimānra.

ISAIAH 27:1

Chithanghon Prohona awui khamakanga kala kazana raighai eina Leviathan khayonga phara̱, Leviathan kahaikazata phara̱li tandi mira, kala ana shamadruli khalei dragonli sāthatra.

ISAIAH 53:12

Chiwui vang eina ina ali khareiabingli ngasoda awui yar ngayarmira, kala ana kapingabingli ngasoda khangapon chi ngayarra, kaja ana kathi eina tangda manglā chihomi, kala khayonbingwui mishānli shānruma; chithālala ana kachungkhawui morei phungmi, kala khayonkhamāngbingwui vang pomi.

LUKE 11:21

“Kapanga mi akhana khutlai peida shaksālaga awui konung khamayon tharan awui lan mashimānmana,

LUKE 11:23

“Ili makazanga mi chi ili makhamayāna, kala ili ngasoda homkakazipli makazanga mi chi kasham kahaiana.

EPHESIANAO 6:11

Nathumli Varena khami raisari katonga shaksākhuilu, chithākha makaphā Chipeena mareimarā kasā chili nathumna nganingshapra,

EPHESIANAO 6:13

Chiwui vang eina ara Varewui raisāri chi shaksākhuilu! Chithākha makaphā zimiksho kharā tharan yangkashebingna rai rākatāli ngasungshapra; kala raikup vāshungda ngarar kahaiwui thilila nathum leisachingra.

COLOSSIANAO 2:15

Ana yuihaida makaphāwui khangamkharei kala sāshap pangshap saikora khikha maningmana da yarui mangāli kashankachon kharai thada phonglāk eina sāchithei.

1 JOHN 3:8

Morei kasaa chi chipeewui mina, kaja haokaphokwui eina thuida chipeena morei sai. Chiwui vang eina Varewui Naomayarana chipeewui otsak shimān ngasak khavai kharāna.

1 JOHN 4:4

Naoshinaobing, nathum Varewui nao sāhaoda minama paokazatbingli nathumna yuihaira, kaja nathumwuili khalei a china okathuili khalei a chili hakmei.