LUKE 11:2 - Kathara Bible (BSI)

² Chieina Jishuna athumli hānga, “Nathumna seihā kasā tharan hithada sālu: “Avā, naming tharmathengmeiranu. Nawui wungram shokmilu,

LUKE 11:2 Iomraidhean Croise

1 WUNGNAOBING 8:43

nawui pamkhavai kazingramli shākāmilu, kala athumwui kapo athishurda kasāmilu; chieina nawui Israel mibingwui thāda okathuiwui yurbing huptana nawui ming theida nali ngacheera; kala ina sākahai shim hi nawui ming eina hora da athumna theikhuira.

2 WUNGNAOBING 19:19

Chieina ara O ithumwui Proho Vare; ina seihā sali awui pāng eina ithumli kakhuimilu, chieina okathuiwui wungram saikorana, O Proho namāng Varena da theikhuira.”

2 THOTRINCHĀN 20:6

“O Proho, ishāvā ngarāwui Vare, kazingramli Vare chi na maningmala? Yurbingwui wungram saikoralila nana khamung maningmala? Sāshapla pangshapla nawui pāngli lei, chiwui vang nali khipānakha mangasungrarmana.

LAA 103:20

Proholi solu, O awui kazingrao nathum, awui kakaso kasā kapanga nathum, awui khon chili khanganābing!

LAA 108:5

O Varivara, kazing atungli reingasaklu! Nawui tekhamatei okathui saikorali leiranu.

LAA 11:4

Prohona awui kathara khorumshimli lei. Prohowui wungpamkhong kazingramli lei; ana apam saikorali khalei mibingli yanga, kala athumna khisālikhala kaji thei,

LAA 57:11

Kazingram atungshong sochikatranu, O Vare! Nawui tekhamatei okathui saikora peiranu!

HĀSHOKME 5:2

Nakhamor mathāknālu, kala Varewui mangāli tui hāngkida malung makatungnālu, kaja Vareva kazingramli lei, nava okathuili khaleina; chieina nawui tui teomeikhamaranu.

ISAIAH 63:16

Kaja na ithumwui Avāva̱na, Abrahamna ithumli matheisālala, Israelna ithumli makhuisangsālala; O Proho, na ithumwui Avāva̱na, achālakhawui eina thuida naming chi ithumwui Ngatangkhamena.

EZEKIEL 36:23

Miyurbingwui ngachaili nathumna sāmakhao kahaiya, khareia kathara iwui mingwui vang athut khuiki kajina; nathumwui miktāli athut kakhui tharan miyurbingna I, Prohona da theinaora, da Proho VAREna hānga.

DANIEL 2:28

kha ngathum kahai hāngmikashap Varivara akha kazingramli lei, kala ana Awunga Nebuchadnezzarli naoda rāshokki kaji chitheimihaira. Nana pida leilakha nawui kala mahākhami chi hina:

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

DANIEL 7:18

Kha wungram chi mashimānda mashimānla, katang mavaila athumwui sāra.”

DANIEL 7:27

Kala wungramla kala pangshapla kala kazingram hupvawui azingli khalei khareia wungram, Chuikhamataiawui katharabingli mihaora; athumwui wungram katang mavaimara, kala pangshap saikorana athumwui otram ngatha̱ra kala kahāng nganāra.”

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

PĀNGMONSHI 10:3

Chieina Mosesna Aaronli hānga, “Prohona hithāda kahāngna ‘Ili rākhanganaibingli ina iwui kathar chitheida mibing saikorawui mangāli ili tekmatei ngasakra.’ ” Chieina Aaron kasaikha pamhaowa.

PĀNGMONSHI 22:23

Mukka nilala lah yaonao nilala, phasā sangnā kahai, sha̱na kahai leisālala lemmet kachigatwui vang khuirāpai; kha khangashitwui vang chikathā makhuisangpaimana.

HABAKKUK 2:14

Kaja okathuili Prohowui tekhamatei theikakhui china pemhaora, shamadru tara̱na kapem thāda.

MATTHEW 10:32

“Kachikathāna ili mibingwui mangāli phongshar eina mayaakha kazingramli khalei iwui Avāwui mangāli inala ali mayāmira;

MATTHEW 3:2

“Ningngateilu, kaja kazing wungram nganaishunhaira.”

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

LUKE 11:1

Jishuna apam akhali seihā asālaga kupkahaiwui thili sākhangatha̱ akhana ali hānga, “Proho, Johnna awui sākhangatha̱bingli seihā kasā tamkachithei thada ithumlila tamchitheimilu.”

ROMNAO 1:7

Kathara mi sākhavai hokhui kahaiya Varena leikashe Romeli khaleiya nathum saikorali kagapina: Ithumwui Avāva̱ Varivara kala Proho Jishu Khristana nathumli lukhamashan kala chingri kahai miranu.

ROMNAO 8:15

Kaja Varena mikahai Manglā china nathumli rao masāngasakmana kala mangachee ngasakmana; kha Varewui naongarā sāngasaka kala Manglā chiwui pangshap eina ithumna Vareli “Abba” Ishava! da khangakaona.

1 CORINTHNAO 1:3

Ithumwui Avāva̱ Vare kala Proho Jishu Khristana nathumli lukhamashan kala chingri kahai miranu.

2 CORINTHNAO 1:2

Ithumwui Avāva̱ Varivara kala Proho Jishu Khristana nathumli lukhamashan kala chingri kahai tāshungmiranu.

GALATIANAO 1:4

Aruihonwui makaphā mithot hiwui eina ithumli ningkhān ngasak khavai, ithumwui Vare kala Avāva̱wui kahāng nganāda Khrista a khalattana ithumwui moreiwui vang thimihaira.

EPHESIANAO 1:2

Ithumwui Avā Vare kala Proho Jishu Khristana nathumli lukhamashan kala chingri kahai miranu.

PHILIPPINAO 1:2

Ithumwui Avāva̱ Varivara kala Proho Jishu Khristana nathumli lukhamashan kala chingri kahai chi tāshungmiranu.

PHILIPPINAO 4:20

Ithumwui Avāva̱ Varivarali katang mavaila tekmateichingranu. Amen.

COLOSSIANAO 1:2

Colossaeli khalei Khristawui lungli shitsangkapai shitkasangbingli shālam chiphunli. Ithumwui Avāva̱ Varena nathumli lukhamashan eina chingri kahai miranu.

1 THESSALONICANAO 1:1

Paul, Silas, kala Timothywui eina Avāva̱ Varivara kala Proho Jishu Khristali kazanga Thessalonicawui churchli kagapina. Lukhamashan kala chingri kahai chi nathumwui ngasāranu.

1 THESSALONICANAO 1:3

Ithumwui Avāva̱ Varivarawui mangāli nathumwui shitkasang eina leikashiwui otsak kala ithumwui Proho Jishu Khristali chihāntitta khalei chi phaningungchinga.

2 THESSALONICANAO 2:16

Ithumli leishikhami kala awui lukhamashanlungli makhangachei malungkaping kala kachihān khame ithumwui Proho Jishu Khrista kala ithumwui Avāva̱ Varivarana,

PHONGKHAMI 11:15

Chiwui thili kashine kazingrao china awui talla̱ chi khonguwa; chiwui thili kazingramli akhon panglāk eina vaoda hānga, “Okathuiwui wungram, ithumwui Proho kala awui Messiahwui wungram ngasāhaira, ana katang mavaila mungra.”

PHONGKHAMI 15:4

Khipāna namingli mangacheera kala matekmatei ngasakrakhala, O Proho? Khikhalajila namāngna katharana. Yur saikorana rāda nali rākhorumra; kaja nawui mashun bichar theiserhaira.”

PHONGKHAMI 19:6

Chiwui thili mi kachungkhawui akhon-akhak thada, kongkathui thada kala kazing khangashum thada hithada shāluishita, “Hallelujah, khikhalajila ithumwui Proho Vare Sāshapa china munghaira:

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,