LUKE 10:9 - Kathara Bible (BSI)

⁹ chili kakazā khaleibingli raimilaga, athumli ‘Vare wungram chi nathumli ranganailakhaira’ da hānglu.

LUKE 10:9 Iomraidhean Croise

DANIEL 2:44

Chitharan atungshongwui Varena khangazipa wungram akha sākara, kala chiwui sākashap vākashap pangshap chi yur khangateili mahorsangmimara. China wungram saikora sākathānhaora, kala chiya leichingra;

MATTHEW 3:2

“Ningngateilu, kaja kazing wungram nganaishunhaira.”

MATTHEW 4:17

Atam chiwui eina thuida Jishuna pao hāshokphokta hānga, “Ningngateilu, kaja kazing wungram nganaishunhaira.”

MARK 4:30

Kala ana hānga, “Ithumna Varewui wungram hi khi eina pantampaira lah khi chānjam eina hāngsikhala?

MARK 6:13

Kala athumna kameo kachungkha kashamshoka kala kakazānao kachungkhali thao neomida raimi.

LUKE 10:10

Kha nathumna keinung akhali vākazang tharan athumna mazang ngasakngaiakha chānreili shokta hānglu,

LUKE 10:11

‘Nathumwui makhamayāwui vang ithumwui pheili kakā nathumwui keinungwui chifa eina tangda kathangkatāna. Kha hi theilu kaja Vare wungram chi nganailakhaira.’

LUKE 9:2

Ana athumli Vare wungramwui pao hāshok khavai kala kazāt raimi khavai shivāta.

JOHN 3:3

Jishuna ngahānkai, “Kachangkhat eina ina nali kahāngna, mapharāluishitakha khipānakha Vare wungram matheirarmara.”

JOHN 3:5

Jishuna ngahānkai, “Kachangkhat eina ina nali kahāngna, kachikathāna tara̱ eina kala Manglā eina kapharā maningakha Vare wungramli mazangrarmara.

OTSAK 28:28

Chiwui vang eina ina nathumli theingasakkhangai chi hina, Varewui huikhami tui chi Gentilebingli shivāthaira; athumna khuisangra.

OTSAK 28:31

Vare wungramwui pao hāshoka kala Proho Jishu Khristawui pongli sheikakhaut maleila phongshar eina tamchithei.