LUKE 10:39 - Kathara Bible (BSI)

³⁹ Kala agatuiva̱ Mary kaho akhala leisai, ana Jishuwui pheizingli pamda awui tamkachithei chi nganāpama.

LUKE 10:39 Iomraidhean Croise

2 WUNGNAOBING 4:38

Zāt kasak kashok atam tharan Elishana Gilgalli vālui. Marānbingwui naomayarabingna awui ngalemli pamda leilakha awui raoli, “Ham kahaka chi phumkālaga marānbingwui vang han hangmilu.” da hānga.

CHĀNSAM 8:34

Iwui ngaveili thangkachida mayonpamda, iwui khāmongpheili nganingpamda, ili khanganā mi chi ringkaphā ngasāra.

LUKE 10:42

kha khavāt akha lei, Maryna awui eina makhuithuiki kaji chi kapangkhuihaira.”

LUKE 2:46

Zimiksho kakathumathang Jishuna khorumshimli ojābingwui ngachaili pamda athumwui tuila nganā kala khangahānla sāda leikasā chi athei.

LUKE 8:35

Chieina mibing china khi shokhaokhala da ayang khavai vai kala athumna Jishuwuili vākashung eina kameo shokkahai mipa chi kashankachon ngavailaga ning mathingrik eina awui ngalemli pamkasa theida athum ngacheelakhaowa.

JOHN 11:1

Lazarus kaho Bethanyli kapāna mi akha kazāhaowa. Bethany hi Mary eina achonva̱ Marthawui kha̱na.

JOHN 11:19

Chieina Judeanao kachungkhana Martha eina Maryli apā thikahaiwui vang ringphā ngasak khavai rai.

JOHN 12:3

Maryna aman kasaka nganamkaphā thao likli akha khuirāda Jishuwui pheili neomi, kala awui kuisam eina mitmi kala thao chiwui anganamna shim chi pemhaowa.

OTSAK 22:3

“Iva Cilicia ngaleili khalei Tarsusli kapharā Jihudi akhana, kha Jerusalemli Gameli-elwui katamnao akha sāda rarkai, ithumwui avā ngarabingwui khangazip ainwui lungli tamkakhui samphanga kala aja hili khalei nathum thada ila Vareli chigatchao kahai mina.

KHALATLUI 33:3

Mha, awui mili ana leishi; ali tharchigat kahaibing awui pāngli lei; chieina athumna nawui pheikār chi shura, nawui chiza̱khami athishurda,