LUKE 10:25 - Kathara Bible (BSI)

²⁵ Yanglu, ain kathema akhana Jishuli chāng tamyangkida nganingkāda hānga, “Ojā, ina makashimān mirin mathunkhui khavai khi sarakhala?”

LUKE 10:25 Iomraidhean Croise

MARK 10:17

Jishuna kharam vākhavai zatphokluishit kaji tharan mi akha ngasamrāda khuktizanglaga ali rangahāna, “Kaphā Ojā, makashimān kharing samphang khavai ina khi sārakhala?”

MARK 10:3

Ana ngahānkai, “Mosesna nathumli kathada kasokhala?”

MARK 12:28

Athum akha eina akha ngaphat khangarok tharan Jishuna mathālak eina ngahānkākhami chi theilaga ain kathema akhana ali ngahāna, “Ningkhami saikorawui alungli mataimeikap kaji chi khikhala?”

LUKE 10:24

Ina nathumli kahāngna, marān kala awunga kachungkhana nathumna theida khalei hi theingailaksai, kha matheimana; kala nathumna shāda khalei hi shāngailaksai, kha mashākhuimana.”

LUKE 10:26

Jishuna ali hānga, “Ain lairikli khi kapihaida leikhala? Nana chi kathada pākhuikhala?”

LUKE 18:18

Chiwui thili Jihudiwui kathāna akhana Jishuli rāngahāna, “Kaphā Ojā, makashimān kharing samphang khavai ina khi sārakhala.”

LUKE 7:30

Kha Phariseebing eina ain kathembingna Varena athumwui vang ngarānmi kahai chila khalanhaowa kala Johnwui ra̱hikkhamila makhuimana.

JOHN 8:6

Jishuwui khayon tukkhui khavai athumna kahāng kasāna. Kha Jishuna kui mashunzangda pāngmareng eina ngaleili kapi.

GALATIANAO 3:18

Varena lemmet hi ainwui athishurda khamina jisi kaja ngashitmi kahai chi makanāluimana. Kha Varena ngashitmi kahai lemmet chi ana Abrahamli khamina.