LUKE 10:22 - Kathara Bible (BSI)

²² “Ot saikora iwui Avāna ili horsangmihaira, kala Anaomayara hi khipākhala da Avā maningla khipānakha matheimana; kala Avāva̱ hi khipākhala da Anaomayara maningla khipānakha matheimana, kala Anaomayarana kachikathāli kapangkhuida chitheikhami maningla khipānakha matheimana.”

LUKE 10:22 Iomraidhean Croise

MATTHEW 11:25

Atam chili Jishuna phongshoka, “Ina nali ningshili Avā, kazing eina ngaleiwui Proho, khiwui vangkhala kaja nana otbing hi thangkhamei kala katheiabingwui eina thummihailaga angangnaobingli chitheimi,

MATTHEW 11:27

“Ishāvāna ili ot saikora horsangmihaira. Avā maningla Anaomayarali khipānakha matheimana, kala anaomayarana kala ana theingasakngaida kapangkakhuiabing maningla khipānakha Avāli matheimana.

MATTHEW 28:18

Kala Jishuna athumli vānganaimeida hānga, “Kazingram eina okathuili khalei pangshap saikora ili mihaira.

JOHN 1:18

Khipānakha Vareli matheilakranga; Avāva̱wui makāli khalei Naoho-naotongmāngna ali theingasaka.

JOHN 10:15

Avāna ili kathei thada inala iwui Avāli thei; kala ina yaobingwui vang imanglā chihomi.

JOHN 13:3

Jishuna, Avāva̱na ot saikora awui pāngli horsangmihaira, kala a Varewui eina kharāna kala Varewuili vāluihaora kaji theida,

JOHN 17:10

Iwui khalei saikora nawuina, kala nawui saikora iwuina kala iwui tekhamatei athumwui eina theingasakhaira.

JOHN 17:2

khikhalajila nana mikahai mikumo saikorali katang makhavai kharing mikhavai nana ali pangshap mihaira.

JOHN 17:26

Ina athumli naming theingasakhaira, kala chithada theingasakchingra. Chieina nana ili leikashi chi athumwuilila leira, kala inala athumwuili leira.”

JOHN 17:5

Chieina ara Avā, apuk-apagva̱̱ masāranglakha nali ngasoda ina tekhamatei eina leikasā chieina nawui mangāli ili tekmatei ngasakmilu.

JOHN 3:35

Avāva̱na Anaomayarali leishiya kala ot saikora awui pāngli horsangmi kahaina.

1 CORINTHNAO 15:24

chiwui thili khangachang atam rāra, chitharan khamungabing, sāshap kala pangshap saikorali Khristana yuihailaga wungram chi Avāva̱ Varewui pāngli horsangmira.

2 CORINTHNAO 4:6

“Tangkhamangwui eina kahor shokranu” da kahānga Vare china Khristawui maili Varewui tekhamateiwui kahor chi theikhui khavai ithumwui wuklungli hormihaira.

EPHESIANAO 1:21

Kazingramli khalei akhavā kasābing pangshap khalei, khangam-kharei saikorawuitungli Khristana munga; kala aruihon khalei, naoda rāki kaji okathuiwui mingpho saikorawuitungli reikhamei mingpho chi awuili lei.

HEBREWNAO 2:8

Kala ot saikora awui pheizingli leingasaka.” Ot saikora awui pheizingli leingasakta ot saikora awui pāngli horsangmi, mahorsangkhami akhala maleimana. Chithālala arui eina tangda ot saikora awui pheizingli leihaira kaji ithumna matheiranga.

1 JOHN 5:20

Varewui Naomayara rāhaira kala ithumli theishingkhui ngasakhaira kaji ithumna thei. Ithum khamashunga Vare, Anaomayara Jishu Khristali ringrumda lei. Hi khamashunga Vare kala makashimān Kharing china.

2 JOHN 1:9

Khristawui tamkachithei mamayonla, kānda sākazat mi chi Varewuili maleimana. Kha Khristawui tamkachithei khamayona mi china Avāva̱lila, Anaolila lei.