LUKE 10:20 - Kathara Bible (BSI)

²⁰ Chitha-ilala nathumna kameobingli yuihaowa kajiwui vang mamathānhailu, kha nathumwui ming kazingramli kapihaili kajiwui vang mathānlu.”

LUKE 10:20 Iomraidhean Croise

LAA 69:28

Athumli kharinga lairikwui eina ming sāshimithaoranu; athum khamashungabingwui alungli aming machanaranu.

SHONGZĀ 32:32

Kha ara, nana mayāmiakha athumwui morei pheomilu—chi maningakha nawui lairikli kapi kahai iwui ming chi khuishokmihaolu da ina nali seihā sāda poli.”

ISAIAH 4:3

Kala Zionli nothāhaida Jerusalemli pamkahaibing, Jerusalemli mirin peidawui ming chankahaibing;

JEREMIAH 17:13

O Proho, Israelwui kachihāna, nali horkahaibing maishi ngasakra; nawui eina ngareithui kahaibing chi okathuiwui mishānli yisanghaira; kaja kharing tara̱wui ura̱, Proho chili athumna horhaowa.

EZEKIEL 13:9

Minamda khamahā kala kakapik khanong kasā marānbing chili ipāngna mamayāmara, athum iwui hangva̱ masāpaimara, kala Israelwui mishānlila mazangpaimara, chili lāngda Israelwui ngaleilila mazangpaimara, kala nathumna I Proho VAREna da theira.

DANIEL 12:1

“Atam chitharan nawui mibingli yangkhame khareia wungnao Michael rārāsāra. Kala kachotkachāng atam rāra, yur leikaphok eina thuida atam chi eina tangda, chikathā mashoklakranga. Kha lairikli aming kazanga nawui mibing kachivali kanmira:

MATTHEW 10:1

Jishuna awui sākhangatha̱ tharāda khani chili hokhui kala makathar manglā kashamshok khavai kala kazātyur ayāyāva̱ kala kazāt saikora raimi khavai pangshap mi.

MATTHEW 26:24

Awui pongli kapihaikasā thada miwui Naomayarava jimara kha miwui Naomayarali yankasaia chiva kalākashi ngasaranu! Mi chiwui vanga marāpharākasāna phāmeikharra.”

MATTHEW 27:5

Ana lupā chi khorumshim chiwui lungli hortāhailaga thuihaowa kala chiwui eina zathailaga angakhākthihaowa.

PHILIPPINAO 4:3

Ili ningtongda otsakruma nathumla sha̱nao khani hili khangachonmilu da poli. Khikhalajila ani khani hi pao hākashokli, Varewui kharinga lairikli aming yikahai Clement inili ngasoda panglāk eina ot sārumsai.

HEBREWNAO 12:23

kazingramli aming kapi kahaia naochizaibingwui kazip kala saikorawui bicharwo Vare, kāshung kahaia khamashungbingwui manglā,

PHONGKHAMI 13:8

Okathui masāranglakha shaothat kahaia Yaonaowui kharinga lairikli kapisang kahaibing chi maningla okathui katongana ali khorumra.

PHONGKHAMI 17:8

Nana kathei sāyur chi rida ringsai, kha ara maringluimana, ana katang makhalei leizingkhurwui eina shokra kala kashimānli azangra. Okathui haokaphok eina thuilaga kharingawui lairikli aming makapi kahaibingna sāyur chili theilaga matakhakhaira, kaja akhashida ringlaga, maringlui, laga rāchitheiluishitki kajiwui vangna.

PHONGKHAMI 20:12

Kathebing khareila kateola wungpamkong mangāli khanganing kala lairikbing harkahai chi ina thei. Khangatei lairik akhala harluihaowa, chiya kharingawui lairikna. Lairik hili kapi kahai tākam eina kathebingli athum kachichāna sākahai athishurda bichar sai.

PHONGKHAMI 20:15

kala kachikathāwui aming kharingawui lairikli mazangthura̱-akha chikathā mili meiwui ngayi hili horsanghaowa.

PHONGKHAMI 21:27

Kha khamakhao ot akhala hili mazangpaimara, sākakhamāng kala khayon-khamāng ot kasābing mazangpaimara; kha Yaonaowui kharinga lairikli aming kapikahaibingmāng zangra.

PHONGKHAMI 3:5

Khayuiapa chili chithada kachara sāri ngavaimira kala ina awui ming kharinga lairikwui eina mashimitmimara; kaja iwui Avāwui kala awui raobingwui miktāli athum iwuina da tharlāk eina phongmira.