LUKE 10:2 - Kathara Bible (BSI)

² Kala hithada hānga “Hātkhavai mā kachungkhaya, kha kahāta mi kateokhamānga; chiwui vang eina awui mā kahātli kahāta mi chungmeida shirāt khavai seihā sālu.

LUKE 10:2 Iomraidhean Croise

1 WUNGNAOBING 18:22

Chieina Elijahna mibingli hānga, “Prohowui marān ngachaili imāng taihaili; kha Baalwui marān shāmati hangphangā leili.

LAA 68:11

Prohona kakaso miya; paokaphā phungkhami ashangva̱ chi hakmahālaka:

JEREMIAH 3:15

“‘Kala iwui kaphaningli ngaraikachā yaokahomabing ina mira, athumna nathumli theithangkhamei kala theikhuikathei eina ngasoda phauira,

ZECHARIAH 11:17

“Makānkhanā iwui yaokahoma, yao chipen kahai, nali kakhanang ngasāranu! Awui pāngthei kala yāmikla raighai eina shātranu! Apang tongda thihaoranu, awui yāmik ngapeochanghaoranu.”

ZECHARIAH 11:5

Athumli khalobing china taithāta khikha tandi mamimana; kala athumli khayorbingna ‘Proholi solu, I shānghaira’ da hānga, kala athumli kahomabingna athumli lukhamashan maleimana.”

MISHĀN 11:17

Chieina ina nali chili tāngazekra; kala nawui eina ina manglā kakhuilaga athumli sangmira, chieina athumnala mibingwui kachot chi nali phungrumra, namāngna maphungluimara.

MISHĀN 11:29

Kha Mosesna ali hānga, “Iwui vang eina na mikpaishihaola? Prohowui mi saikora marān ngasāsāsi kaja, Prohona awui manglā athumli sangmisāsi kaja jong!”

MATTHEW 20:1

“Kaja kazing wungram chiya shimva̱na awui yāmguili ot sākhavai ngathorthakva̱ ngalangkaphei mi phākazat kathāna.

MARK 13:34

Hiya mi akhana shimwui eina zatkaphok tharan awui raobingli shim chi mayon khavai horsangmihailaga kala mi ava̱va̱li kachichāwui otphun mihailaga kala khamong khamayonali mayonkazakzaklu da kasohailaga kharam vākahai kathāna.

MARK 16:15

Ana hānga, “Okathui apam katongali vālu kala miyur saikorali paokaphā hi hāshoklu.

MARK 16:20

Chieina athumna apam kachiva̱li vāda pao hāshoka kala Prohona athumli ngasoda ot sai kala athumwui paokapha chi mashunga kaji chi matakhak kahai ot kasā machut china phongshoka.

LUKE 9:1

Chiwui thili Jishuna tharāda khani chili hokhuida kameo kashamshok khavai kala kazātyur saikora raimi khavai sāshapla pangshapla mi.

OTSAK 11:19

Stephenli shaokathat tuishotwui eina rekakharekwui vang ngapha̱yāng eina zatkahai shitkasanga mi kaikhana Phoenicia, Cyprus, kala Antioch vāshungda Jihudimāngli pao hāshoka.

OTSAK 13:2

Athum kakhum eina Proholi seihā sāda leilakha Manglā Katharana hānga, “Ina sāngasakkhangai ot chiwui vang Barnabas eina Saulli phaishokmilu.”

OTSAK 13:4

Manglā Katharana kachiho athishurda anina Seleuciali vai kala chiwui eina marikhong tongkhuida Cyprusli vāzanga.

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

OTSAK 22:21

Chieina ana ili hānga, ‘Zatulu, ina nali katāva̱li khalei Gentilewuili chihovāra.’”

OTSAK 8:4

Chitharan ngapha̱ kahaibing china apam kachida paokaphā tamchithei.

1 CORINTHNAO 12:28

Varena churchwui alungli saikora hi kachichāwui pam ngarānmi: rimeikapta paokazata, kakhaneli marān, kakathumali ojā; chiwui thili matakhak kahai kasaa, chiwui thili kazāt raikhame, ngachonkhame, mawunwo, kala tuiyār tarākha khamatuia kapangsangmi.

1 CORINTHNAO 15:10

Kha Varewui lukhamashanna ili hokhuida hithada khaleina. Ana hokakhui chi arema maningmana. Lakhashong phaningakha paokazatbingwui ngachaili ina pangmeithuida ot sai. Chi ina kasā maningmana, kha Varewui lukhamashanna sākhangasakna.

2 CORINTHNAO 6:1

Vareli otsakruma ngasā kahaiwui vang nathumna samkaphanga lukhamashan chi arema mangasā ngasak khavai kapona.

PHILIPPINAO 2:21

Khangateibing chiya Jishu Khristawui otli ning masangla kachichāwui phakhavaimāng sai.

PHILIPPINAO 2:25

Ili otsakruma kala otram ngatha̱mida nathumwui paokaphunga sāmida khalei ichinā Epaphroditusla nathumwuili chihovāphalungrali da phaninghaira.

PHILIPPINAO 2:30

Kaja nathum khalattana ili mangachonmikharar chi ngachonmi khavai ana manglā hamlaga Khristawui vang ot sāda thinaikhaya.

COLOSSIANAO 1:29

Hi ungshung khavai Khristana ili khami yāng pangshap shichinlaga ina ngararda ot sai.

COLOSSIANAO 4:12

Nathumwui ngasota kala Jishu Khristawui rao Epaphrasna shālam chiphunli. Ana nathumwui vang Varewui kaphaning chili kahāng nganāda kākashung kala theishingkakhuia Vareshi thada nathumna nganingshap khavai atam kachida ningsanglak eina seihā sāmichinga.

1 THESSALONICANAO 2:9

Ivānaobing, ithumna ngalangzarda ot panglāk eina kasā chi nathumna phaningungra; Varewui paokaphā chi nathumli tamchitheilakha, nathum khipākha makhanang khavai, ithumna ngashun ngayā mateila ot sai.

1 THESSALONICANAO 5:12

Ivānaobing, nathumwui ngachailila ot kasaa kala Prohona kapangkhuida nathumli thānkhame, machinkhame athumli khayāshilu.

2 THESSALONICANAO 3:1

Ivānaobing, naomeikapta, nathumwui ngachaili kashok thada Prohowui chānpao hi thāklāk eina ngayaovāshum khavai kala khayākashi eina khuisang khavai ithumwui vang seihā sāmilu.

1 TIMOTHY 4:10

Khanganurla nganurda otla panglāk eina sai. khikhala jila mi saikorawui Huikhame kala mataimeikapta shitkasangbingwui vang ringching kaje Vareli ithumwui kachihān shāpkahaina.

2 TIMOTHY 4:5

Kha nava ngarakzak eina sālu, kachotkachāng khānglu. Evangelist akhana sāran ot chi sālu, kala Varewui otram khangatha̱ akha sāda nana sāran ot chi ungshung ngasaklu.

PHILEMON 1:1

Khrista Jishuwui vang eina phātop kazanga Paul kala ivānao Timothy inina ithumwui ngasota kala otsakruma Philemon;

HEBREWNAO 3:6

Kha Khristana anaomayara sāda Varewui shim ningtongda mayonmi. Ithumna kachihān chiwui vang khanao eina tangda ninglumtur eina singtitakha, ithum awui shimna.

PHONGKHAMI 2:1

“Ephesus Churchwui kazingraoli hithada kapilu: “Yāpāngli sirā shini singlaga thaomeishong shiniwui ngachaili yaothui kazata chiwui eina kharā paona.