LUKE 10:16 - Kathara Bible (BSI)

¹⁶ “Nathumli khanganā mi chi ili khanganāna, kala nathumli makhamayā chi ili makhamayāna, ili makhamayā chi ili kashirātali makhamayāna,” da Jishuna sākhangatha̱bingli hānga.

LUKE 10:16 Iomraidhean Croise

SHONGZĀ 16:7

kala ngathorshong nathumna Prohowui tekhamatei chi theira, kaja nathumna Proholi kharopta khamatui ana shāhaira. Kaja ini khinida nathumna iniwuitungli kharopkhala?”

SHONGZĀ 16:8

Kala Mosesna hānga, “Nathumli ngazin sā mikashai, ngathor zāt thoting eina mikazā tharan hi Prohona kaji nathumna theira, kaja ali kharopta khamatui Prohona shāhaira—ini khida? Nathumwui kharopta khamatui chi inili maningmana, kha Proholina.”

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

MISHĀN 14:11

Prohona Mosesli hānga, “Miyur hina karankha ili makhuisangmarakhala? Kala athumwui alungli matakhak kahai ot ina kachungkha sāchitheihailala athumna karankhawui vang ili mashitsangmarakhala?

MISHĀN 14:2

Kala Israelwui mibingna Moses eina Aaronwuitungli kharopa; yarui ashangva̱na anili hānga, “Ithum Egypt ngaleili lah lamhāng hili thihaisasi kaje phameira!

MISHĀN 16:11

Chiwui vang eina nathum kala nathumli ngasokazatabing kazip kakhui hi Proholi makhamayāna; Aaron khipāda nathumna awuitungli ngurngur khamatuikhala?”

MATTHEW 10:40

“Nathumli zang khangasaka china ilila zang ngasaka, kala ili zangkhangasaka a china ili kashirāta ali zangngasaka.

MATTHEW 18:5

Hikathā naoshinao akhali iwui mingwui vang khuikasanga a chi ili khuikasangna.

MARK 9:37

“Kachikathāna imingwui vang hikathā naoshinaoli khuikasang chi ili khuikasangna; ili khuikasang chi imāngli maningla ili kashirāta alila khuikasangna.”

LUKE 9:48

kala athumli hānga, “Hikathā naoshinaoli iwui mingwui vang khuikasanga china ili khuikasangna kala ili khuikasanga china ili kashirata ali khuikasangna; kaja nathum saikorawui ngachaili teomeikap kaje china reimeikapa.”

JOHN 12:44

Jishuna panglāk eina hānga, “Kachikathāna ili shitsangakha, imāngli shitkasang maningla ili kashirāta chilila shitkasangna.

JOHN 12:48

Ili mamayāmada iwui tui makhuisangakha ali bichar sākhavai akha lei; ina hāngkahai tui china khanaowa zimiksholi awui bicharwo ngasāra.

JOHN 13:20

Kachangkhat ina nathumli kahāngna, kala ili khamayā chi ili kashirāta chili khamayāna.”

OTSAK 5:4

Lam chi mayorranglakha nawui maningmala? Yorkahaiwui thili chiwui aman chila nawui maningmala? Chithākha, khiwui vang eina nana chikathā ot sahaokhala? Hiya mikumoli kakapik maningla Vareli kakapikna!”

GALATIANAO 4:14

Iwui kakazāna nathumli kasak tarākha samphang ngasaklala, nathumna ili ningkakachai lah horkahai masāmana, kala Khrista Jishuli samngarokhuiki kaji thada ili samngarokmi.

1 THESSALONICANAO 4:8

Chiwui vang eina tui hili mahengkasangapā china mikumoli maningla kha nathumli Manglā Kathara sangkhame Vare chili mahengkasangna.