LUKE 10:15 - Kathara Bible (BSI)

¹⁵ Kala Capernaum, naliva kazing kāzokta masot mimaraolā? Nali kazeiram tāshungda khuitāra.

LUKE 10:15 Iomraidhean Croise

HAOKAPHOK 11:4

Chiwui thili athumna hānga, “Raserlu, ithum keinung akha sākhuisa, kala dolanshim kajuiva̱ akhala aton kazingramli kazokta sākhuisa, kaja ithumwui ming zatkhavai sāsa, chi maningakha ithum okathui apam katongali chaiyānghaora.”

ISAIAH 5:14

Chiwui vang Kathewui ramwui kathai mataisanghaira; kala khamorla mangatamkharar sāda makātaranga, kala Jerusalemwui khangamkhareibing, kala awui yarui katonga, awui mibing kala ali kasobing chili tāzangaa.

JEREMIAH 51:53

Babylonna kazingli yongkālala, ngavei kajuiya ana ngaveilala, iwui eina sākakhayānga chi awuili rāra da Prohona hānga.”

EZEKIEL 26:20

ina nali Chomli zangki kajebingli achālakhawui mibingli ngasoda horsangra, kala Chomli tāzang kahai athumli ngasoda, achālakha ngayang kahai apam, kazeiramli okthui ngasakra, chithāda kharingabingwui ngachaili maokthuiluipaimara.

EZEKIEL 31:18

“Edenwui thingrong ngachaili hakkhamahāliranu, tekhamateiliranu, na khipali ngaruikhala? Edenwui thingrongbingli ngasoda nalila kazeiramli vāngasakra; ahui marimkashokbing kala raighai eina kathibingli nana ngasoda pamra.” Hi Pharaoh kala awui mi katongana da Proho VAREna hānga.

EZEKIEL 32:18

“Miwui naomayara, Egypt katongawui vang sifalu; awui kala khangama yurwui naongalāva̱bing, kazeiramli khaleibing chiwui Chomli horsangserhaolu:

EZEKIEL 32:20

“Raikhai eina kathibingli ngasoda athumla thira, kala ali ngasoda mi saikora thirumra.

EZEKIEL 32:27

Athumli achālakhawui kaping kapangabingwui thāda khayākalāk eina machifamana, raighai khumkuili masangmimana, changveila machiphunmana. Kaping kapangabing hi atam akhali kharingabingli malung kashamkhaimishapsai.

OBADIAH 1:4

Nana khalāng thāda kajuiva̱li leilala, athip sirā ngachaili sāhailala, ina nali chiwui eina sheitāra, da Prohona hānga.

MATTHEW 10:28

Phasāli sāthatshaplaga manglāli masāthatkharar athumli mangacheealu. Kha kazeiramli phasā eina manglā khanini sāshimānmikashapa Vareli ngacheelu.

MATTHEW 11:23

Kala He Capernaum, nali kazing kāzokta masot mimaraola? Naliva kazeiram tāshungda ngakhuntāra. Kaja nali hakkhamahā ot sāmi kahai chi Sodomli sāsāsi kaje keinung chi aja rāshungda leisāra.

MATTHEW 4:13

Ana Nazarethli mapamluila Zebulun eina Nephtaliwui leiretlungli kazanga shamadrupheili khalei Capernaumli vāpama.

LUKE 13:28

Nathumna Vare wungramli Abraham, Isaac, Jacob kala marān saikora kathei tharan, kha nathumliva horshok kahai tharan nathumna kachapla chapta ahāla tarira.

LUKE 16:23

kala kazeiramli chotlakhaoda ana yangkai kala Lazarusna Abrahamwui makāli kapam chi tālāk eina ngashānthei.

KHALATLUI 1:28

Ithum kali vauki kajikhala? Ichinā ngarāna ithumli ning shimān ngasakta, “Mibing chi ithumli hakmei kala juimei; keinungla haklāka kala kazing kazokta ngaveitithai; chili lāngda Anakimwui naomayarabingla chili thei.”’ da hānga.

2 PETER 2:4

Kaja morei sāhaikha kazingraobingli eina tangda Varena yangkhei kahai maleimana, athumli kazeiramli haida bichartam marāranglakha eina tangda tangmangting kahaipamli tuknarhaiakha,