LUKE 10:11 - Kathara Bible (BSI)

¹¹ ‘Nathumwui makhamayāwui vang ithumwui pheili kakā nathumwui keinungwui chifa eina tangda kathangkatāna. Kha hi theilu kaja Vare wungram chi nganailakhaira.’

LUKE 10:11 Iomraidhean Croise

EZEKIEL 2:5

Athumna nganāsanglala manganāsanglala, (kaja athum ngakaikashe shimkhurna) marān akha athumwui alungli leihairasai kaji hi athumli theikhuiranu.

MATTHEW 10:14

Kala nathumli khipānakha marāzang ngasakngaiakha kala nathumwui tui manganāsangmiakha, shim lah keinung chiwui eina zatkathui tharan nathumwui pheiwui chifa chi kathangtāhailu.

MATTHEW 10:7

Kala nathumna khavāvāli pao hāshokta ‘Kazing wungram chi nganaihaira’ da hānglu.

MATTHEW 3:2

“Ningngateilu, kaja kazing wungram nganaishunhaira.”

MARK 6:11

Kala kachikatha apamli nathumli mazun ngasakakha kala manganāsangakha, nathum kazat tharan athumli makhamayawui shākhi kachithei sāda pheili kakā chifa chi kathangtāhailu.”

LUKE 10:10

Kha nathumna keinung akhali vākazang tharan athumna mazang ngasakngaiakha chānreili shokta hānglu,

LUKE 10:9

chili kakazā khaleibingli raimilaga, athumli ‘Vare wungram chi nathumli ranganailakhaira’ da hānglu.

LUKE 9:5

Kha nathumli marāzang ngasak khangaiya ram kachiva̱ chiwui eina zatphokuki kaji tharan athumli makhamayāwui shākhi kachithei sāda nathumwui pheili kakā chifa chi kathangtāhaolu.”

OTSAK 13:26

“Ivānaongarā, Abraham shimkhurwui naobing kala nathumwui ngachaili Vareli khangacheebing, huikhami chānpao hi ithumli shirātrāmihaira.

OTSAK 13:40

Marānbingna hāngkahai chi nathumli mashok khavai ningngasharlu;

OTSAK 13:46

Kha Paul eina Barnabasna pingmeida hānga, “Rimeikapta Varewui tui hi nathumli hāngchitheiphalungki kajina. Kha nathumna katang makhavai mirin masamphangngaimada khalan kahaiwui vang, nathumli haiphungda ithum Gentilebingli vāhaora.

OTSAK 13:51

Chieina athumli makhamayā chitheida anina aniwui pheili chifa kakā chi kathangtāhailaga Iconiumli vāhaowa.

ROMNAO 10:21

Kha Israelwui apongli ana hānga: “Kahāng makhanganā kala ngakaikashe miyurli ina mashitkhui khavai langpongda hoi.”

ROMNAO 10:8

Hiwui kakhalatva, “Varena hāngkahai tui chi nali nganailaka, nawui morchai eina wuklungli lei.” (chiya, ithumna hākashoka shitkasangwui paokaphā china).

HEBREWNAO 1:3

Anaona Varewui tekhamateiwui kahān chi hāna kala Varewui azak tākamhai. Awui tui china apuk-apaga hi ringkhangasakna. Mikumowui morei pheokhami samphang kahaiwui thili, ana kazingramli Reikhamatai Varewui yāshong pama.