LUKE 10:1 - Kathara Bible (BSI)

¹ Chiwui thili Jishuna khangatei hangshinili kapangkhuida ana vāki kaji keinung kachiva̱li mi khanini eina ali rida chihovai.

LUKE 10:1 Iomraidhean Croise

EZEKIEL 8:11

Chiwui mangāli Israel shimkhurwui ararnaobing athum hangshini nganingsai, chili Shaphanwui naomayara Ja-azaniah athumwui alungli zangsai. Kachichāwui meishārkhong singsera kala nganamkaphā otwui meikhut chi muiyā thāda ngapānkai.

MISHĀN 11:16

Chieina Prohona Mosesli hānga, “Iwui vang Israelwui khararnaobing hangshini kapangkhuilu, athum chi nana kathei khararnao kala otva̱bing ngasāphalungra; kala athumli kazip khavai kachonshimli thānrāda nali ngasoda kānganing ngasaklu.

LUKE 1:17

Marān Elijahwui thada pangshap leilak eina kala hakmahālak eina zatra; ana avāva̱ eina naongarābingwui ning ngarum ngasakra, kala kahāng makhanganābingli mashun thangmei chili latung ngasakra kala Prohowui mibingli awuivang ngaranpinghaisā ngasakra.”

LUKE 1:76

“Chieina inao, nali Juikhamataiya Varewui marān hora, kaja awui shongfa ngarānmi khavai nana Proholi rida zatra,

LUKE 7:13

Prohona ali kathei eina lumashanhaida “Machapalu” da hānga.

LUKE 7:19

Chieina Johnna awui sākhangatha̱ khani hokhuilaga Proholi chihovāda “Raki kaje chi nakā, khangatei akhali honfarakhala?” da angahān ngasaka.

LUKE 9:52

Chieina ana rida awui paophungmebingli shivātvai, athumna awui vang khangarān sāsā khavai Samariawui kha̱ akhali azanga,