LUKE 1:79 - Kathara Bible (BSI)

⁷⁹ tangkhamang kala kathi khaya̱lungli kapambingli kahor mira, kala chingri kahai pongli zatkhavai thānmira.”

LUKE 1:79 Iomraidhean Croise

JOBWUI LAIRIK 10:22

tangkhamanga pa̱khangapā apam, kahorla tangkhamang kathā ram chili.

JOBWUI LAIRIK 3:5

Kazingkashi kala tangkhamangna khuihaoranu, Muiyāna chiwuitungli ngapānphinranu; ngashunwui tangkhamangna ngachee ngasakranu.

LAA 107:10

Kaikhana tangkhamang kala ngamirut kahaili pama, mari eina khalaplaga tuknar kahaia kakhanangabing,

LAA 107:14

ana athumli tangkhamangwui eina khuishokmi, kala athumli narkahai eina khalāmi.

LAA 23:4

Ina kathi khaya̱wui tampākli zatlala makaphā chili ina mangacheemana; kaja nana ili ngayurmi, nawui lijei kala khāmshuina ili ninglumngasaka.

LAA 25:12

Proholi khangachee mi chi khipākhala? Chipāli ana kapangkhuiki kaji apong chi ali tamchitheimira.

LAA 44:19

chithālala ramfawui pamli ithumli nana sākachupta, kathuka tangkhamang eina ithumli farorhaira.

CHĀNSAM 3:17

Awui apong ningyāngkhaung mānga, kala awui shongfa saikora chingri kahai mānga,

CHĀNSAM 8:20

Khamashung khangarongwui apongli ina zata, mashun shongpongli,

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 42:7

mik khangapeobingli mik rakngasak khavai, narkahaibingli zurshimwui eina khuishokmi khavai, tangkhamangli kapambingli phātopshimwui eina khuishokmi khavai hokakhuina.

ISAIAH 48:17

Nathumwui Ngatangkhame, Israelwui Katharapa, Prohona hithāda hānga: “I Proho nathumwui Varena, kannā khavai nathumli tamkachitheiana, nathumna vāki kaji apongli thānkazatana.

ISAIAH 48:22

“Makaphā-makhayābingwui vang chingri kahai maleimana”

ISAIAH 49:6

ana hānga: “Jacobwui shangbing nganaokhui khavai, Israelwui phāri kahaili khāngmathot khavai, nana iwui rao sāki kaji hi ngavenglak kahai otna; ina nali kahor akha sākhavai yurbingli mira, chieina iwui huikhami okathui akatang eina tangda vāshungra.”

ISAIAH 49:9

phātopnaobingli, ‘Ralu’ tangkhamangli khaleibingli, ‘Shoklu’ da hānga. Athumwui kazatpamli phauira, kaphung khangai saikorali athumwui wonui samphangra.

ISAIAH 59:8

Chingri kahai apong athumna matheimana, athumwui shongfali mashun maleimana; athumwui shongfa makhuikazam ngasaka, athumli khavābing chingri kahai masamphangmana.

ISAIAH 9:2

Tangkhamangli zatkasābingna kahaka kahor akha theihaira; tangmangting kahai ramli okthuikasabing, athumwuitungli kahor hormihaira.

JEREMIAH 2:6

Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

JEREMIAH 6:16

Prohona hithāda hānga: “Shongfa ngalemli nganinglu, kala yanglu, kala achālakhawui shongfa khamathā ngahānkhuilu; kala chili zatlu kala namangla khangasām samphang khavai sālu.” Kha athumna, “Ithum chiwui alungli mazatlakmara!” da hānga.

MATTHEW 4:16

Tangkhamanglungli pamda khaleibingna kahor kahaka akha thei. kala leiret chili kapambing eina kathi khaya̱li khaleibingwuitungli kahor china hormihaira.”

LUKE 2:32

Hi nawui kaphaning Gentilebingli phongshokmi khavai kahorna, kala nawui miyur Israel tekmatei khavaina.”

JOHN 1:9

Mi kachiva̱li horkhangasaka khamashunga kahor chi okathuili rākhamina.

JOHN 12:46

Ina apuk-apagva̱li kharā hi kahor thada kharāna, chi eina ili shitkasanga mi kachiva̱ tangkhamangli maleimara.

JOHN 8:12

Jishuna athumli hāngluishita, “I okathuiwui kahorna, ili kashura china tangkhamangli mazatluilakmara kha kharingwui kahor samphangra.”

JOHN 9:5

I okathuili leilakha eina tangda ina okathuiwui kahorna.”

OTSAK 10:36

Saikorawui Proho Jishu Khristawui mangā eina chingri kahaiwui paokaphā hāngchitheida Varena Israelnaobingli chānpao chihokharā nathumna thei.

OTSAK 26:18

Nana athumwui mik rakngasakra, kala tangkhamangwui eina kahorli latung ngasakra kala Satanwui pangshapwui eina Vareli latung ngasakra. Chithada sāda athumna ili shitkasangwui vang athumwui morei pheokhami samphangra kala Varewui kapangkhui kahai mibingwui ngachaili zangpaira.’

ROMNAO 3:17

Athumna chingrikahaiwui apong matheimana.

EPHESIANAO 5:8

Nathum tangkhamangli okthuida leisai, kha Prohowui mi sākahaiwui vang, nathum kahorli okthuihaira. Chiwui vang eina nathum kahorli okthuida khalei mibing thāphalungra.