LUKE 1:78 - Kathara Bible (BSI)

⁷⁸ Varewui lukhamashan mangā eina, ithumwuitungli ana huikhamiwui kahor shokkhangasak chitharan,

LUKE 1:78 Iomraidhean Croise

LAA 25:6

O Proho, nawui lukhamashan, makhangachei leikashi, phaningmilu, kaja chi achālakhawui eina leichinga.

ISAIAH 11:1

Jessewui angunrumwui eina ashon akha shonshokra, kala angayungbingwui eina aphāng akha shokra.

ISAIAH 42:16

Kala ina mik khangapeoali athumna makathei apong eina, athumna matheilak kaja shongfali thānzatra. Ina athumwui mangāli tangkhamang chi horngasakra, kokataropam ashāt sāngasakra, saikora hi ina sāserra, ina athumli mahorhailakmara.

ISAIAH 63:15

Nawui kathara kala tekhamateipam, kazingram eina yangtāda katheimilu. Nawui sāngairareo kahai kala pangshap kali leili? Naningna ningkachāng kala lukhamashan chi iwui eina khuithuihaowa.

ISAIAH 63:7

Prohowui makhangachei leikashi chi ina phaningchingra, ithumli Prohona khami saikora chiwui athishurda Proholi masot michingra, kala awui lukhamashan athishurda Israel shimkhurli, kaphā hakkhamahā mikahai chi, awui makhangachei leikashiwui makhavāt athishurda khamina.

ZECHARIAH 3:8

Ara nganālu, O pāngmon kharei Joshua, nala kala nali ngasokapama nawui ngasotnaobingla, kaja athum khamathā machutkakhuiwui misera: yanglu, iwui rao Aphāng chi ina khuirāra.

ZECHARIAH 6:12

kala ali hānglu, saikorawui Prohona hānga, ‘Aphang kaho mi chili yanglu: kaja ana awui pamli reisangra, kala ana Prohowui Khorumshim sakāra.

MALACHI 4:2

Kha iwui mingli khangacheea nathumwui vanga kazāt raikhavai angachāng kakā khamashung khangarongwui zimik akha shokra. Seinaona seishimwui eina ngalongkashok thāda nathumna ngalongkāra.

MISHĀN 24:17

Ina ali thei, kha arui maningmana; Ina ali yanga, kha manganaimana: Jacobwui eina sirā akha shokra, Israelwui eina khānthing akha kharshokra; china Moabwui khavei ngaphitkhaira, kala Shethwui naomayarabingli sākhayāngra.

JOHN 3:16

Khikhalajila Varena apuk-apagva̱li leishinā kahaiwui vang awui Naohonaotong chi mi, chieina ali shitkasanga mi kachiva̱ mashimānphalungmara kha katang makhavai kharing samphangra.

EPHESIANAO 5:14

kaja kachikathā ot chi mathingrik eina phongkashok tharan theipaiserhaowa. Chiwui vang hithada hānga. “Ngakarthuilu, he kape, kathiwui eina ngakarthuilu, Khristana nawuitungli hormira.”

PHILIPPINAO 1:8

Ina nathumli leikashi hi Khrista Jishu a khalattana chitheimi kahai leikashi eina kharāna kaji hi mashun tuina da Varena thei.

PHILIPPINAO 2:1

Nathumwui mirin Khristali khalei china nathumli pangngasaka, kala awui leikashi china nathumli ringphā ngasaka. Nathum Manglāli ngarumsak lei kala akhana akhali phaningmida lumashanthei ngaroka.

COLOSSIANAO 3:12

Nathum Varewui mina, ana nathumli leishiya kala awui mi sākhavai kapangkhui. Chiwui vang eina nathum khalatta lumashankathei, ningaikashi, khangahui, malungkhanim kala ja̱khami hi kachon khangavai thada ngavailu.

2 PETER 1:19

Khamarān tui chi ithumna mathāmeida theikhui. Tui chili nathumna ningsangmeida nganākhuiakha phāmeikharra, khiwui vangkhala kaja hiya kazing mathangranglakha kala nathumwui ningli zingthanwo mashokranglakha, tangkhamang pamli thaomei kashar kathāna.

1 JOHN 3:17

Kachikathā mi akhana avānao akhawui khavāt thatheilaga malumashanngaiakha, ana Vareli leishiya da kathada hāngpairakhala?

PHONGKHAMI 22:16

“Jishu ina, churchbingli shākhitui hi hāngmi khavai iwui kazingrao kashirātna. I Davidwui angayung kala naotun, kahora zingthānwona”,