LUKE 1:77 - Kathara Bible (BSI)

⁷⁷ awui mibingli huikhamiwui awor tamchithei khavai; morei pheokhami lungli huimira da.

LUKE 1:77 Iomraidhean Croise

JEREMIAH 31:34

Mi kachiva̱na khongnainaoli kala achināli, ‘Proholi theilu,’ da hānglaga matamchithei ngarokmara, kaja kateola khareila mi kachiva̱na ili theiserra; da Prohona hānga; kaja athumwui khayon ina pheomira, kala athumwui morei sākahai maphaningungluimara da Prohona hānga.”

LUKE 3:3

Chieina Jordanwui kuikhamareili khalei apam saikorali vāda morei pheomi khavai ningngateida ra̱hiklu da pao hāshoka.

LUKE 3:6

kala phasā khavaia saikorana Varewui huikhami theisera.’”

JOHN 1:29

Akhama kathā Jishu rākharā theida Johnna hānga, “Yanglu, okathuiwui morei khuithuikhame Varewui Yaonao!

JOHN 1:34

Ina chi theihaira kala ina nathumli kahāngna, a Varewui Naomayara chilaka.’”

OTSAK 10:43

Marān saikoranala awui pongli shākhi sai kaja ali shitkasanga mi kachiva̱na awui ming chiwui mangā eina morei pheokhami samphangra.”

OTSAK 19:4

Paulna hānga, “Johnva mibingli awui thili rāki kaje Jishuli shitsang khavai hānglaga ning khangateiwui ra̱hikkhamimaya.”

OTSAK 2:38

Chieina Peterna hānga, “Ning ngateihaolu, kala nathumwui morei pheomi khavai Jishu Khristawui ming singda nathum kachiva̱ ra̱hikhaolu, chithākha Manglā Katharawui lemmet chi nathumna samphangra.

OTSAK 3:19

Chiwui vang eina nathumwui morei pheomipai khavai mai ngareiungda ningngateilu.

OTSAK 5:31

Varena ali Isrealnaobingli ningngateida, morei pheomi khavai kathāna Huikhame akha sāngasakta awui yāshong chipama.

ROMNAO 3:25

Mikumowui morei chi shitkasangwui mangā eina pheomi khavai Varena Jishu Khristali pha̱mi. Hi Varewui khamashung-khangarong chithei khavaiwui vangna.

EPHESIANAO 1:7

Kaja Khristawui asheena ithumli ningkhānmi, chiya ithumwui morei pheomihaira. Varewui lukhamashan kayākha hakmahākhala,