LUKE 1:7 - Kathara Bible (BSI)

⁷ Kha ani nao maleimana, kachiwui vangkhala kaja Elizabethva nao kashumva̱na kala ani kasarla sarhairasai.

LUKE 1:7 Iomraidhean Croise

HAOKAPHOK 17:17

Chieina Abrahamna ngakhumzangda mana̱da akhalatta hānga, “Kum shākha kāshung kahai mi akhana nao pharārala? Kum hangchiko kāshung kahaiva̱ Sarahna nao leirala?”

HAOKAPHOK 18:11

Chitharān Abraham eina Sarah sarlākhairasai; Sarah naotheila chathairasai. Sha̱naowui khangachāla ngasāmhairasai.

HAOKAPHOK 25:21

Apreiva̱ Rebekah naokashumwui vang Isaacna Proholi seihā sāmi; kala kapo chi Prohona khuisangmida apreiva̱ Rebekahna nao vaihaowa.

HAOKAPHOK 30:1

Rachelna nao mapharāthuda achonva̱li yuishihaowa; chieina Jacobli hānga, “Ili nao milu, maningakha I thihaora!”

1 WUNGNAOBING 1:1

Awunga David ara sarhaowa; kala athumna ali kachon fasangmilala malumthukthuwa.

2 WUNGNAOBING 4:14

Chieina ana hānga, “Thakha nawui vang khi sāmirakhala?” Gehazina ngahānkai “Ava mayarnao maleimana, agaharala sārhaira.”

LUKE 1:5

Judeawui awunga Herodwui atamli Abijah pāngmonshiwui eina Zechariah kaho pāngmon akha leisai. Apreiva̱li Elezabeth hoi; Aaron pāngmonshi shimkhurwui einana.

LUKE 1:6

Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

LUKE 1:8

Thang zimikshokha khorumshimli otram khangatha̱ chi Zechariah ashangva̱wui yar sāhaida ana pāngmonwui ot sāda leisai.

ROMNAO 4:19

Zingkum shākha kānanaihaoda phasā ngazanhailala kala Sarah naoshuma jilala awui shitkasang masuitāmana.

HEBREWNAO 11:11

Sarahna naothei chathailala, ali ngashitkhame chi mangapatmana da shitkasangwui vang nao khavaiwui pangshap samphanga.

1 SAMUEL 1:2

Ana prei khani ngashira; akhali Hannah hoi, khangatei akhapāva̱li Peninnah hoi. Kala Peninnahva nao leisai; kha Hannah nao maleimana.