LUKE 1:67 - Kathara Bible (BSI)

⁶⁷ Avāva̱ Zechariahli Manglā Katharana pemtinghaoda ana marānda hānga;

LUKE 1:67 Iomraidhean Croise

2 SAMUEL 23:2

Prohowui manglāna ili matui ngasakta, awui tui imaleli sangkhamina.

JOEL 2:28

“Kala naoda hithāda shokra, chiya, phasā khavai kachiva̱li iwui manglā heirormira. Nanaomayara, nanao ngalāva̱ ngarāna marānra, khararnaobingna mang machutra, kala yaronnaobingna khamahā theira.

MISHĀN 11:25

Chieina Prohona muiyalung eina tāda ali ngazeka, kala awui eina manglā ngayarda arar hangshini chili sangmi, kala manglā chi athumwuili zangkahai eina, athumna marānuwa. Kha naoda athumna chithāda masāluimana.

LUKE 1:15

Kaja Prohowui miktāli a kahaka mi ngasāra kala zamkhorla, khamaripa otla masāza̱mara, Ava̱wui naopamli leilakhawui eina, ali Manglā Kathara pemtinghaora.

LUKE 1:41

Elizabethna Marywui shālam tui shāngasha̱da awui naopamli khalei nao chi ngasonkai kala Elizabeth Manglā Katharana pemtinghaowa.

OTSAK 2:4

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

OTSAK 2:8

Kala ithum kachiva̱na kachicharamtui eina matuida khalei ithumna kashā hi kathada rāhaokhala?

OTSAK 9:17

Chieina Ananiasna vāda shim chili azanga kala Saulwuitungli pāng parrorda “Ivānao Saul,” da hānga, “nana kathei samphangluishit khavai kala Manglā Katharana pemtinghai khavai, na apam hili rākhavai zatta leilakha shongfali rākachitheia Proho Jishu china ili shirāt kharāna.”

2 PETER 1:21

Kaja khamarān hi miwui ning eina haokaphok maningmana, kha Manglā Katharana kasatmilaga Varewui eina kharā tui chi mikumona khamatuina.