LUKE 1:6 - Kathara Bible (BSI)

⁶ Ani khanini Varewui mangāli khamashung-khangarong mi sāda Prohowui ningkhami kala shiyan saikora mayonda shāt makālakla okthuisai.

LUKE 1:6 Iomraidhean Croise

HAOKAPHOK 17:1

Abram kum hangchikoda chiko kākashung tharān Prohona rāchitheida hānga, “I Sashap-pangshapa Varena; iwui mangāli zatlu, kala shāt makā ngasakalu.

HAOKAPHOK 6:9

Noahwui naothot hithai. Noah khamashunga mina, awui thotli shātmakakā mina; Noahna Vareli ngavaplak eina okthui.

HAOKAPHOK 7:1

Chiwui thili Prohona Noahli hānga, “Na kala nashi shimkhur katonga marikhong alungli zanghaolu, kaja mithot hili na iwui mangāli khamashungana da ina theihaira.

1 WUNGNAOBING 15:5

Khikhalajila Davidna awui mirin peida Prohowui eina mai mangareithuilakmana, Hitpa Uriahwui pongli maningla, awui kakaso katonga mayonchinga.

1 WUNGNAOBING 9:4

Navā Davidna kazat thāda, nana ningsā ngazipta kala khangarong eina iwui ningkhami, iwui ain kala shiyan-chikan mayonda imangāli zatakha,

2 WUNGNAOBING 20:3

“O Proho, arui kaphaningungmilu, ina kathāda nawui mangāli ningtongda shitsangtitlaga zathaira, kala nawui mikyanli khamathā ot chi sāhaira kaji.” Kala Hezekiahna panglāk eina chapa.

2 THOTRINCHĀN 17:4

Israelwui thāda athumwui thi mashurla kha avāva̱wui Vareli phāda awui ningkhami athishurda zata.

JOBWUI LAIRIK 1:1

Uz ngaleili Job hoda mi akha leisai, ava shāt makālak kaja mashungrik kahai, kala Vareli ngacheeda makaphāli makazanga mi akhana.

JOBWUI LAIRIK 1:8

Chieina Prohona Satanli hānga, “Na iwui rao Jobli machukyanghairala, kaja, okathuili shāt makakā; mashungrik kahai, kala Vareli ngacheeda makaphāwui eina ngareikathuiya mi a katha maleimana?”

JOBWUI LAIRIK 9:2

Kachangkhata chithai kaji ina thei: Kha Varewui mangāli mi khipa mashungshaprakhala?

LAA 119:6

Chieina nawui ningkhami saikorali yangchingda, Ili kakhayak masamphang ngasakmara.

LUKE 1:7

Kha ani nao maleimana, kachiwui vangkhala kaja Elizabethva nao kashumva̱na kala ani kasarla sarhairasai.

LUKE 16:15

Kha ana athumli hānga, “Mibingwui miktāli nathum khalatta mashungkhui khavai sāzata, kha Varena nathumwui wuklung theisera, kaja mibingwui miktāli khamathāna da kakhui hiya Varewui miktāli ningkakachaiya otna.

LUKE 2:25

Chitharan Simeon kaho mayarnao akha Jerusalemli leisai, a khamashung-khangarong, shitkasang khangazipa Israelli makarkhami honkapama kala Manglā Katharana ngasokhame mina.

OTSAK 2:25

Kaja Davidna awui pongli hānga, ‘Proholi ina iwui mangāli theichinga, A iwui yashongli lei, chieina ina mangatha̱luimara.

OTSAK 23:1

Chieina Paulna hangva̱naobing chili yangtitlaga hānga, “Varewui mangāli aja rāshungda ina kaphā mashun-makhui eina okthuirāhaira.”

OTSAK 24:16

Chiwui vang eina Varewui miktālila, mibingwui miktālila mashun-makhui chi tharzā eina atam kachida leikhavai ina hotnai.

OTSAK 8:21

Hiwui ot hili nawui yar mazangmana; kaja Varewui miktāli kaphaning mamashungmana.

ROMNAO 8:4

Varena hi kasā hiya mikumowui khangachā athishurda mazatla Manglāwui athishurda kazata ithumna ainwui khamashung ningkachāng chi ungshung ngasak khavaina.

1 CORINTHNAO 11:2

Nathumna ili mamalailak kaji kala ina tamchithei kahai chiwui athishurda zatching kajiwui vang nathumli masotchikatli.

2 CORINTHNAO 1:12

Mikumowui thangkhameina maningla Varewui lukhamashanwui pangshap eina ithumna okathui hili mataimeikapta nathum eina ithumwui khangashik hi Varena khami ningkhakasā kala ningkathar eina munga kaji hi ithumwui mashun-makhuina chitheikhamiwui vang ithumna langsoi.

KHALATLUI 5:33

Proho nathumwui Varena nathumli kaso kahai apong saikorali zatlu, chieina nathum okthuida ringphāmeira; kala nathumna samphangki kaji ram chili nathum okpeimeira.”

PHILIPPINAO 2:15

Chithākha khamakhao okathui hili nathumna morei kaphunga mibingwui alungli okthuilala khayon makhalei kala kathara, Varenao thada okthuira. Kharingwui chānpao chi athumli mida, sirāna kazingram horkhangasak thada athumwui ngachaili nathumna horphalungra.

COLOSSIANAO 1:22

Kha ara awui Naomayarawui phasāthitwui mangā eina ana nathumli kathar eina, kasheng eina chuk-khara̱ maleila chikat khavai awui ngasotnao sangasakhaira.

1 THESSALONICANAO 3:13

Hithada sāda nathumli pangsang ngasakra kala ithumwui Proho Jishuna ali kazangbingli ngasoda kharā tharan ithumwui Avāva̱ Varivarawui mangāli nathum kākashunga kala kathara ngasāra.

2 PETER 3:14

Chiwui vang eina leikashebing! nathumna zimiksho hi ngaraimamānda Varewui miktāli nathum tharda kala achuk kapeia ngasāda ali ngasoda chingri eina okthuirum khavai sālu.

1 JOHN 2:29

Khristava khamashungana da nathumna thei. Chiwui vang eina mashun ot kasā mi kachiva̱ Varewui naona da theiphalungra.

1 JOHN 2:3

Ithumna Varewui ningkhami nganākha ali ithumna thei da theishingkhui.

1 JOHN 3:7

Naoshinaobing, khipānakha nathumli maminamaranu, ana khangarong thada khamashung kasā mi chi khangarongana.