LUKE 1:53 - Kathara Bible (BSI)

⁵³ Ana kathaibingli kaphā ot eina thongasaka, kala kashāngbingli khamasai eina chihohai.

LUKE 1:53 Iomraidhean Croise

LAA 146:7

rekakharek kahaibingwui vang mashun sākhame; kathaiali kashakazā mikazaa, awui Proholi kachina mi chi ringkaphana. Prohona narkahaibingli chihomi.

LAA 34:10

Kazingkha̱ anaola vāthaida thai; kha Proholi kapha mibing khamathā ot mavātmana.

EZEKIEL 34:29

Kala ina athumwui luivāt heiun kachungkha mataisang ngasakta ngalei hili kathai-kachām matheimara; yurbingnala mamana̱shiluimara.

MATTHEW 5:6

Khamashung khangarongwui vang kathai ra̱kachangbing sokhamina, khikhalajila athumli ningyang ungngasakra!

LUKE 1:54

Ana awui lukhamashan phaningungda awui rao Israelli ngachonmi,

LUKE 6:21

Arui kathaibing nathum sokhami ngasāranu, kaja nathumli thongasakra. Arui kachapbing nathum sokhami ngasāranu, kaja nathumna mana̱ra.

LUKE 6:24

“Kha kashāngabing nathum kakhanang ringkashi ngasāranu, kaja nathum nathumwui ringkaphā samphanghaira!

JOHN 6:35

Jishuna hānga, “I kharingawui kashakazāna, ili kharā mi chi mathaimara, kala ili shitkasanga mi chi mara̱changlakmara.

1 CORINTHNAO 1:26

Ivānaobing, nathumli hokakhui tharan kathasākhala kaji phaningyanglu. Mikumowuishong eina yangakha nathumwui ngachaili thangkhameila, pangshap khaleila kala wungnao pharātla machungmana.

1 CORINTHNAO 4:8

Nathumwui ningkachāng samphangserhaira! Nathum shāngserhaira! Inina kajimada, nathumva wungnao sāserura! Nathum wungnaolaksi kaje inila nathumli ngasoda mungrumramā!

1 SAMUEL 2:5

Kashāngabingli pheizā ngasaka; kha khumkasābingli thongasaka. Nao kashumva̱na shini pharāhaira, kha kachungkha kapharābingna ngachakyanghaira.