LUKE 1:28 - Kathara Bible (BSI)

²⁸ Kazingrao china ali rāhānga, “Ringphālu, he ngahānkhangaiva̱, Prohona nali ngasomida lei.”

LUKE 1:28 Iomraidhean Croise

ISAIAH 43:5

Ina ngasomida lei, mangacheealu; “Nawui ara̱-azā zingsho zingtun eina kazipkhuira.

DANIEL 10:19

Kala ana hānga, “O leishikhailak kahaia mi, mangacheealu, nali chingrihairanu, pingmeida malung zangmeilu.” Kala ana ili kahāng eina I pangsanghaida chieina hānga, “Ishameina hāngmilu; kaja nana ili pangngasakhaira.”

HOSEA 14:2

Nawui tui khuiphunglaga Proholi latungda ali hānglu, “Khayon-khamāng khuithuiserhaolu, kaphā chi khuimilu, kala ithumwui morchaiwui athei che ithumna phungra.

MATTHEW 12:48

Kha ana ali ngahānkai. “Khipāna ishava̱ kala khipālongna ichināngarākhala?”

LUKE 1:27

Ana Davidwui naotun Joseph kaho mayara chili khāmhaikasa kachingva̱ sha̱nao chili pao khuirai, kachingva̱ chili Mary hoi.

LUKE 1:29

Kha tui chi shālaga a ning kazāhaowa kala hāngda khalei tui chi khi ngasānikhala da ningli machuka.

LUKE 1:30

Chieina kazingrao china ali hānga, “Mangacheealu, Mary, kaja na Varewui lukhamashan samphanghaira.

LUKE 1:42

Chieina ana panglāk eina “Sha̱naowui ngachaili na hi somi kahaiva̱ ngasaranu; kala nawui naopamwui eina shokki kaje athei chi sokhami kala khamahai ngasāranu! da hānga.

OTSAK 18:10

kaja ina nali ngasomida lei, nali khipānakha ka̱lā mashingasakmara, kaja keinung hili iwui mi kachungkha lei.”

EPHESIANAO 1:6

Ithumna awui tekhamatei lukhamashanwui vang Vareli sochikatsa, kaja lemmet chi awui khaluma Naomayarawui lungli ithumli mihaira.

WUNGVA̱-WUNGVĀ 5:24

Kenwui Heber preiva̱̱ Jael mahaimeikapranu, kachonshimli kapama sha̱nao saikorawui ngachaili.

WUNGVA̱-WUNGVĀ 6:12

Kala Prohowui kazingrao china ali samphangda hānga, “Rai kapinga mi, nali Prohona ngasomida lei.”

RUTH 2:4

Kala yanglu, Boazna Bethlehemwui eina rāda mā kahātabingli, “Prohona nathumli ngasomiranu” da ahānga. Kala athumna, “Nalila Prohona somiranu” da ngahānkai.