LUKE 1:15 - Kathara Bible (BSI)

¹⁵ Kaja Prohowui miktāli a kahaka mi ngasāra kala zamkhorla, khamaripa otla masāza̱mara, Ava̱wui naopamli leilakhawui eina, ali Manglā Kathara pemtinghaora.

LUKE 1:15 Iomraidhean Croise

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

HAOKAPHOK 48:19

Kha avāva̱na mamayāmada hānga, “Ina thei, inaomayara, ina thei; ala yur akha ngasāra, kahaka akha ngasāra; chithālala agatona ali reimeira, kala awui ara̱-azāna yur kachungkha ngasāra.”

1 THOTRINCHĀN 17:8

nawui kazazatpamli ina ngasomi; kala nawui yangkashebingli nawui eina shimān ngasaka; kala okathuili khangamabingwui ming thāda nalila aming kazat akha sāngasakra.

1 THOTRINCHĀN 29:12

Kashāngla, khayāla nawui eina shoksera, saikorali nana khamungna. Sāshap vāshap nawui pāngli lei; reikhangasakla pingkhangasakla napangli leisera.

LAA 22:9

Ili naopamwui eina khuishok khame chi nana; ishāva̱wui na̱ mangda leilakha nana nganaomi.

JEREMIAH 1:5

“Naopamli ina nali masemranglakha nali ina theipinghairasai; kala na mapharāranglakha ina nali tharchikathairasai; yurbingwui marān akha ngasā khavai ina nali kapangsanghairasai.”

JEREMIAH 35:6

Kha athumna ngahānkai, “Ithuma zam mamangmana, kaja ithumwui avā, Rechabwui naomayara Jonadabna, ‘Nathum kala nathumwui naomayarabing zam mamangpailakmara,

PĀNGMONSHI 10:9

“Nathumna kazip khavai kachonshimli khavā tharan; naranu, nanaomayararanu, drakhāra̱ lah zamshei mamangalu, thipaishina; nawui naothot peichaoda hi makashimāna shiyan-chikanna.

ZECHARIAH 9:15

Saikorawui Prohona athumli makānmira, kala athumna lunggui eina kahorbingli tukkhuilaga naitāhaora; kala athumwui ashee drakhāra̱ khamang thāda mangra, tengkot kapem thāda pemtinghaora, hanphutwui achikunbing thāda ya̱sophaora.

LUKE 1:14

Nana ringphāda mathānra kala mi kachungkhana awui kapharāli mathānrumra;

LUKE 7:28

Ina nathumli kahāngna, sha̱naona kapharāwui ngachaili Johnli reikhamei khipākha maleimana. Chithālala Vare wungramli teomeikap kaje mi china ali reimei.”

LUKE 7:33

Kaja Ra̱hikme Johnna kharā tharan a khamuila mashai kala drakhāra̱la mamangmana, laga nathumna ‘A raih kaphungana’ da hānga.

JOHN 5:35

John hiya sharkahai kahora thaomei kathāna, kala nathumna kasha̱khawui vang kahor chili pamngai.

OTSAK 2:4

Chieina athum Manglā Katharana pemtinghaoda Manglāna athumli matui khangasak tuiyur khangatei eina matuiphokhaowa.

GALATIANAO 1:15

Kha Varewui lukhamashan eina I mapharāranglakhawui eina ali otram ngatha̱ khavai ili hokhui kahaina.

EPHESIANAO 5:18

Nathumli shimān ngasaki kaji zamkhor manglaga mamariphaialu, kha Manglā Kathara eina pemtinghailu.

JOSHUA 3:7

Kala Prohona Joshuali hānga, “Aja eina thuida Israel saikorawui mangāli ina naming reingasakra kala Mosesli ina ngasokhami thāda nalila ngasomi kaji athumna theikhuira.

JOSHUA 4:14

Chithang Prohona Joshuali Israel saikorawui mangāli aming reingasaka. Moseswui thot peida ali khangachee thāda, athumna Joshuali ngacheerarang eina nganinga.