KHALATLUI 9:3 - Kathara Bible (BSI)

³ Chiwui vang eina aja hi theilu, kaja nathumwui mangāli meichot eina zatta khalei chi Proho nathumwui Varena; ana nathumwui miktāli athumli sāshimānra kala yuikhuira; kala Prohona ngashit kahai thāda nathumna athumli kashamshokhaida thaklāk eina shimān ngasakra.

KHALATLUI 9:3 Iomraidhean Croise

SHONGZĀ 23:23

Iwui kazingraona nathumli thānmida Amornaobing, Hitnaobing, Periznaobing, Canaannaobing, Hivnaobing kala Jebusnaobingwui apamli vāzangda, kala ina athumli shimān ngasak kahai chitharan,

SHONGZĀ 24:17

Prohowui tekhamatei azak chi Israelnaobingwui miktāli phungreiton chili mei kachui thai.

ISAIAH 27:4

I malung mavātluimana. Ka̱shāt-karengli rai sāki kajisi kaja! I athumli ngasungra, ina athumli meili riktāhaora.

ISAIAH 30:27

Yanglu, Prohowui aming katāva̱ eina rāra, ngapuirut kahai meikhut kashok thāda lungvāt eina; awui morchaili sākashina pemda amale khamaringa mei thai;

ISAIAH 30:30

Kala PROHOna awui khayākakākhon chi shāngasakra, awui pāngthei katingda theingasakra, thurshi kahai malungkhavāt kala meiwon thāda malingting kahai chi muiyā khangasui, siphan-zingrot kala theih eina ngasoda rāra.

ISAIAH 30:33

Kaja riktā khavai apam akha ngarānhaidalei; mha, awungawui vang kathuka kala khamashā meifa akha, meilā thingla sorngasaida ngarānhaidalei; Prohowui khakkhā china mei thāda thotkāra.

ISAIAH 33:14

Zionli khalei morei kaphungbing ngacheehaira; Vare makatheibing nganukhaira: “Ithumwui ngachaili khipāna chuida khalei meili okthuirumshapra? Ithumwui ngachaili khipāna khamit makhavai meili okthuirumshapra?”

MICAH 2:13

Raipan shokhame china mangāli zatra; athumna sakhailaga ngavei kānzangra, chieina shokluira. Athumwui awunga Prohona mangāli rida zatra,

MATTHEW 15:10

Chiwui thili Jishuna yarui chili hokhuida hānga, “Nganākazakhuilu kala theishingkhuilu:

MARK 7:14

Chieina Jishuna mibingli hokhuiluishitlaga athumli, “Nathum saikora nganālu kala theishingkhuilu.

ROMNAO 8:31

Chithākha ithumna hili khi hāngluira? Vare hi ithumwuina jiakha khipāna ithumli yangshirarra?

EPHESIANAO 5:17

Chiwui vang eina mamangma̱alu kha Prohona nathumli khi sāngasakngaikhala kaji phākhuilu.

KHALATLUI 1:30

Proho nathumwui Vare china nathumwui miktāli Egyptli nathumwui vang sāmi kahai thāda nathum mangalila rizatta nathumwui vāng ngararmira;

KHALATLUI 20:1

“Nathumna yangkashebingli ngarar khavai khavā tharan, siguibing kala siguigaribing kala raimibing, nathumli chungkhamei theilaga nathum mangacheealu; kaja Egypt ngaleiwui eina thānshokkhame Proho nathumwui Varena nathumli ngasomida lei.

KHALATLUI 20:4

kaja nathumli ngasokhame chi Proho nathumwui Vare china, nathumwui yangkashe chili ngararmida nathumna khayui ngasāra.’

KHALATLUI 4:24

Khikhalajila Proho nathumwui Vare hiya kachuiya meina kala mikpaishikatha Varena.

KHALATLUI 7:16

Kala Proho nathumwui Varena nathumwui pāngli horsangkhami yur saikora sāthatserphalungra; athumli yanglaga malumashanpaimara; athumwui varebinglila otram mangatha̱paimara, kaja china nathumwui khalen ngasāra.

KHALATLUI 7:22

Proho nathumwui Varena yurbing hi teomamei shimān ngasakra; nathumna athumli sakkha eina masāshimānrarmara, chi maningakha nathumli ramsāna chungnāhaida yuihaora.

KHALATLUI 9:6

“Chiwui vang eina theilu, kaja nathumwui khamashung khangarongwui vang Proho nathumwui Varena khamathā ngalei hi samphang khavai khami maningmana, kaja nathum ngakaishitingting kahai yurna.

2 THESSALONICANAO 1:8

Vareli makhuikasangbing kala ithumwui Proho Jishu Khristawui paokaphāli makhanganābingli tandi mira.

HEBREWNAO 12:29

Kaja ithumwui Vare hiya kachuia meina.

JOSHUA 11:12

Awungabing chiwui keinungbing, kala athumwui awungabing, Joshuana khuida, Prohowui rao Mosesna kakaso athishurda athum akhala mataila sāthatserhaowa.

JOSHUA 11:8

Kala Prohona athumli Israelwui pāngli sangmida athumli sāthata kala Kahaka Sidon eina Misrephoth-maim vāshungda kharomvai; kala zingshoshong Mizpeh tampāk vāshungda kharomvāda athum akhala mataila sāthatserhaowa.

JOSHUA 14:12

Chieina ara Prohona chitharan hāngkahai thāda kaphungram hi ili milu; kaja Anakimnaobingna athumwui keinungbing ngaveikazakhailaga pamda lei kaji chithang nala shai. Prohona kahāng thāda ana ili ngasomira kala ina athumli kashamshokshapra.”

JOSHUA 3:11

Yanglu, okathui saikorawui Prohowui tuingashit oko chi Jordanli nathum saikorawui mangāli ngava̱kāra.

JOSHUA 3:14

Mibingna Jordan kānkhavai kachonshim eina kashok tharan athumwui mangāli tuingashit oko ngava̱kazata pangpmonbingna rida zata,

WUNGVA̱-WUNGVĀ 4:14

Kala Deborahna Barakli hānga, “Vaulu, kaja, aja Prohona Siserali nawui pāngli horsangmi kahaina. Prohona nawui mangāli rizatta khalei maningmala?” Chieina Barakna thānda raimi thingtharā awui thi shurphungda Tabor Kaphungwui eina tunga.