KHALATLUI 8:2 - Kathara Bible (BSI)

² Kala malangso khavai, nathumwui ning yangkhui khavai kala Varewui ningkhami mamayonnikhalada yangkhui khavai, zingkum hangmati lamhāngli Prohona thānkazat nathumna phaningungra.

KHALATLUI 8:2 Iomraidhean Croise

HAOKAPHOK 22:1

Hiwui thili Varena Abrahamli chāng yangda, “Abraham” da kaho eina “I hili leili” da ngahānkai.

2 THOTRINCHĀN 32:31

Kala ngalei chili chitheikhami sākahai chiwui pongli ngahānkhui khavai Babylonwui eina mi chihokharā chile, awui kaphaning saikora theikhavai kala ali tamyang khavai Varena awunga akhalattali phaningkhui ngasakhaowa.

2 THOTRINCHĀN 33:12

Chotchanglak kahai tharan awui Proho Varewui phaningkhami ngakaowa, kala avāva̱ ngarāwui Varewui mangāli akhalatta hamsangchaoluishita.

2 THOTRINCHĀN 33:19

Awui seihā kasā, Varena kathāda awui kapo khuisangmi, kala awui morei, mashitkasangwui pong, kala ana ning mangateiranglakha kajujuipam sakakā, Asherahli khokharum, meoma̱ sākakhui, saikora chi marānbingwui Thotrinchānli kapiserhaida lei.

NEHEMIAH 9:19

nawui hakkhamahā lukhamashan chiwui alungli nana athumli lamhāngli leilakha mahorhailakmana; shongfa thānkazata muiyāwui pākra̱ chi ngashun athumwui eina mapākthuihaimana, athumwui vāki kaji shongli hormi khavai meiwui pākra̱la mapākthuimana.

JOBWUI LAIRIK 33:17

mina awui otsakwui eina ngateithui khavai, kala miwui eina langkaso khuithuihai khavai;

LAA 103:2

O imanglā, Proholi solu, awui sākhami saikora mamalaihaialu,

LAA 106:7

Ishāvā ngarā Egyptli leilakha nawui matakhak kahai ot mamachukkhuimana; nawui makhavāta makhangachei leikashi athumna maphaningungmana; kha Juikhamataiali Red Seali ngakaishi.

LAA 136:16

awui mili lamhāngli peichaoda thānkhame chili, kaja awui makhangachei leikashi katang mavaimana;

LAA 77:11

Ina Prohowui kasāsā ningli phaningkhuira; mha, acha nawui matakhak kahaibing chi ina phaningungra.

LAA 81:7

Kakhanang alungli nana ngakaowa, kala ina nali khāngkhuimi; khangathuma langpar katāk atamli ina nali ngahānkāmi; Meribahwui tara̱li ina nali tamyanga.

SHONGZĀ 15:25

Kala ana Proholi ngakaowa; kala Prohona ali thing akha chithei, kala anah chi tara̱li horsanga, chieina tara̱ chi shimhaowa. Apam chili Prohona shiyan-chikan kala hukhum milaga athumwui ning yangda,

SHONGZĀ 16:35

Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai.

SHONGZĀ 16:4

Chieina Prohona Mosesli hānga, “Ina nathumwui vang kazingram eina zāt rotāmira, kala mibingna thangthangwui sharuk akhuiserra; chithāda athumna iwui hāngkachithei athi shurnika mashurnikhala ina athumli chāng yangra.

SHONGZĀ 20:20

Mosesna mibingli hānga, “Mangacheealu, kaja Varena nathumli chithei khavai rāhaira, chieina Vareli khangachee chi nathumwui leida chieina nathumn morei masāmara.”

CHĀNSAM 17:3

Khāng lupāsāwui vāngna, sharkha̱ sināwui vāngna, kala Prohona ning tamyanga.

ISAIAH 2:17

Hiksor kahai mili maishi ngasakra, miwui langkaso ning nemta ngasakra; chithang Prohomāngli masot mira.

JEREMIAH 2:6

Athumna, ‘Egypt ngaleiwui eina khuikashoka, lamhāngli thankazata, siwukwui lamli, khorchopli, kazing kakāng lamli, kala tangmangting kahaipamli, mi makakān khipākha makasompamli thankazatapa Proho chi kali leilikhala?’ da maphāmana.

EZEKIEL 20:19

Proho I, nathumwui Varena, iwui shiyan kala ainbing mathālak eina mayonlu,

AMOS 2:10

Kala Egyptwui eina ina nathumli thānshoka, Amorwui ngalei khuikhavai, lamhāngli kum hangmati thānzata,

MISHĀN 14:33

Kala nathum lamhāngli mathingakanranglakha eina tangda, nathumwui mashitkasangwui vang nanaongarāli kum hangmati chotchāngda lamhāngli yao kahoma sāra.

LUKE 18:14

Ina nathumli kahāngna, “Phariseepā maningla khāshinā khalokapāna pheokhami samphangda shimli hanunghaowa; kaja khalatta hakkakhui mi kachiva̱li teongasakra kala khalatta kateowana da kaphaninga mi chili hakngasakra.”

JOHN 2:25

mi khipānakha athumwui pongli ali hāngmi khavai darkar masāmana kaja a khalattana athumwui ningli khi leikhala kaji thei.

KHALATLUI 1:3

Kala kum hangmati, kachāng tharāda akhawui kharethang Prohona khami ningkhami chiwui athishurda Mosesna Israel mibingli hānga.

KHALATLUI 1:33

ana nathumli rizatta nathumli ngayā mei eina thānmi, ngashun muiyā eina thānmida nathumwui kachonshim khaning khavaipam phākhuimi, kala nathumna kachikathā shongfa eina vāra kajila chitheimi.

KHALATLUI 13:3

marānbing nilala, mang katheiapali nilala manganāsangalu; kaja nathumna Proho nathumwui Vareli wuklung kala manglā kala ningtongda leishikā maleishikhala da Proho nathumwui Varena nathumli chāng katamna.

KHALATLUI 2:7

Khikhalajila nathumwui kasāsā saikorali nathumwui Proho Varena nathumli somihaira; nathumna khamashā lamhāngli kasāngkha kazatla ana thei; kum hangmati hili Proho nathumwui Varena ngasomida nathum khikha mavātlakmana.’

KHALATLUI 29:5

ina nathumli lamhāngli kum hangmati thānzathaira; nathumwui khangavai kashankachon makāklakmana, kala nathumna katong pheihopla makākmana;

KHALATLUI 32:7

“Achālakhawui atam phaningunglu, thotbingwui zingkum machukyanglu; navāli ngahānlu, kala ana nali chitheimira; khararnaoli ngasanlu, athumna nali hāngmira.

KHALATLUI 7:18

nathum athumli mangacheelu, kha Pharaohli kala Egyptnaobingli Prohonathumwui Varena kathāda sākhala kaji phaningunglu,

KHALATLUI 8:16

nathum malangso khavai kala nathumwui ning yangkhui khavai, kaja naoda kaphā ngasā khavai, lamhāngli leilakha, nawo ngarāna matheithangkhamei manna mizai.

JAMES 1:3

Kaja chikathā shitkasang chāng khayang china ngatar ngasaka kaji nathumna thei.

JAMES 4:10

Prohowui mangāli malungnimlu chithākha ana nathumli reingasakra.

JAMES 4:6

Kha Varena hakkhamei lukhamashan mi, chiwui vang eina hithada hānga, “Varena lāngkasobingli ngasunga, kha khangahuibingli lumashanmi.”

1 PETER 1:7

Hiwui khangarān hiya nathumwui shitkasang akachanga chi phongshok khavaina. Shimankapai sinā meili ruikhayang thada sakmeikhar kaja nathumwui shitkasangla chāng yangphalungra, chi nathumwui shitkasang ngatarmei khavaina. Chiwui thili Jishu Khristali rāchitheithanghon nathumna masot, tekhamatei kala maikhayā samphangra.

PHONGKHAMI 2:23

Awui thikashurabingli ina sāthatserhaora, chieina church saikorana I hi mi saikorawui kaphaning sākhangai katheiana da theikhuira. Kala nathum kachiva̱li kachichāna sākahai athishurda mira.

WUNGVA̱-WUNGVĀ 2:22

kaja avāva̱ ngarāna kasā thāda athumna sanikā masānikhala da Israelli ina chāng yangkhavai kasāna.”

WUNGVA̱-WUNGVĀ 3:4

Avāva̱ ngarāli Prohona kaso kahai, ana Mosesli hāngkhangasak chiwui athishurda Israelna sānikā masānikhala da chāng yangkhavaina.