KHALATLUI 7:3 - Kathara Bible (BSI)

³ Athumli ngalā mangakhotpaimara; nanao mayarabingli athumwui nao ngalāva̱bingli makhuingasakalu, nathumwui nao ngalāva̱la athumli mafavā ngasakalu.

KHALATLUI 7:3 Iomraidhean Croise

HAOKAPHOK 24:3

laga kazingramwui kala okathuiwui Proho Varewui ming singda ina nali shākhi sāngasakra, kaja ina ngasopamda khalei, Canaanwui sha̱naobingwui eina inaomayarawui preiva̱ sākhavai makhuisangmipaimara,

1 WUNGNAOBING 11:2

yurbing hiwui pongli Prohona Israelwui mibingli “Nathum athumli ngalā mangakhotalu, athumla mangakhotaranu, kaja athumna nathumwui ning athumwui varebingli shurngasakhaora” da hānga. Solomonna leishida hikathāli ngavapshanhaowa.

1 WUNGNAOBING 16:31

Nebatwui nao Jeroboamwui morei kasā chi khikha maningmana kaji thāda, ana Sidonwui awunga Ethboalwui naongalāva̱ Jezebelli khui, kala Baalli shurda khoruma.

EZRA 10:3

Chiwui vang ithum Varewui ningkhamili khangacheebing kala ameiwui hāngkachithei athishurda pareiva̱bing eina athumwui naongarāli horhaora da ithumwui Varewui mangāli tuingashit akha sasa; kala ainwui athishurda chi sāranu.

EZRA 9:12

Chiwui vang eina nanao ngalāva̱ ngarā, athumwui naomayarabingli mavālei ngasakalu, athumwui naongalāva̱bing nilala nanao mayarabingwui vang makhuipaimara, kala chingri kahai mayākasang, nathum pangshap shokmei khavai, ngalei chiwui heithei zākhavai, kala nanaomayarali katang makhavai shimlui haimi khavai maphālakalu” da hāngngasaka.

NEHEMIAH 10:30

Ithumwui naongalāva̱ ngarā ngalei chiwui mili mafavā ngasakmara, inaomayara ngarālila athumwui ngalā makhuingasakmara;

WUNGVA̱-WUNGVĀ 14:3

Kha avā eina ava̱va̱na ali hānga, “Nawui theisāwui nao ngalāva̱bingwui alungli sha̱nao akhala mazangmala, maningkha ithumwui mibingwuili mazangthuda ahui marimkashoka Philistinenaoli napreiva̱ sākhavai akhuiphalungrala?” Kha Samsonna avāva̱li hānga, “Iwui vang ali khuimilu, kaja ana ili ningyāng ungngasaklaka.”