KHALATLUI 5:1 - Kathara Bible (BSI)

¹ 8Mosesna Israel saikorali hokhuida athumli hānga, “Nganālu, O Israel, ina aja nathumli shākhavai kagaso ain kala shiyan-chikanbing hāngkachithei hi nathumna ningkachāng eina shākhuida hi mayontitlu.

KHALATLUI 5:1 Iomraidhean Croise

LAA 78:7

chiwui vang athumna Vareli kachihān leikhavai, kala Varewui otsakbing khamalai masāla, awui ningkhami mayon khavaina;

SHONGZĀ 15:26

hānga, “Nathumna ningasharlak eina Proho nathumwui Varewui akhon nganaakha, kala awui mikyanli khamashung ot chi saakha, kala awui ningkhami, kala shiyan chikan saikora mayonakha, ina Egyptnaobingli khami kazāt katha chi nathumwuitungli akhala marāngasakmara; kaja nathumli raikhame Proho chi ina.”

SHONGZĀ 18:20

athumli shiyan chikan tuitak kala athumna zatrān apong chi theingasaklu kala athumna khi sarānkhala kaji theingasaklu.

MATTHEW 23:3

chieina athumna kahahāng hupta otsak eina sālu kala ngalanglu, kha athumna kasā thada masālu, khikhalajila athumna hāshoka kha otsak eina masāmana.

KHALATLUI 1:1

Jordan kong kānlaga, Arabahwui lamhāngli, kaja Suphli kāroda khalei Paran kala Tophel, Laban, Hazeroth kala Dizahabwui ngachaili leilakha Mosesna Israel saikorali kahāng tuibing chi hina.

KHALATLUI 11:1

“Chiwui vang eina Proho nathumwui Vareli leishilu, kala awui kagaso, awui ain kala shiyan-chikan mayonchinglu.

KHALATLUI 12:1

“Navā ngarāwui Proho Varena mikahai ngalei chili nathumna okthuilakha eina tangda ningngasharda mayon khavai ain kala shiyan-chikanbing chi hina.

KHALATLUI 17:19

kala chi awuili haida, awui mirin peida ana pākhavaina, chithāda sāda ana ain kala shiyan-chikan saikora hi awui Proho Vareli khayākashi tamkhui khavaina;

KHALATLUI 28:15

“Kha nathumna ning ngasharda Proho nathumwui Varewui ningkhamibing lah awui shiyan saikora, ina aja nathumli kagaso hi nathumna manganaurakha, khonkashi saikora hi nathumwuitungli rāshokra.

KHALATLUI 29:10

“Nathum aja nathumwui wungva̱bingla, khararnaobingla, kala otva̱bingla, Israelnao saikora Prohowui mangāli nganingserda leili,

KHALATLUI 29:2

Kala Mosesna Israel saikorali hokhuida athumli hānga: “Egypt ngaleili leilakha Prohona nathumwui mangāli Pharaohli kala awui raobingli kala awui ngalei saikorali kasāsā chi nathumna theiserhaira,

KHALATLUI 4:1

“Chieina ara, O Israel, ina tamchithei kahai ain kala shiyan-chikanbing chi ningkachang eina mayonlu, kala chibing chi sālu; chithakha nathum ringra, kala navā ngarāwui Proho Varena mikahai apam chili nathumna vāda samphangra.

KHALATLUI 4:49

kala Jordan zingshoshong khalei Arabah Ngayi katonga vāshungda Pisgah phungrei pheili thari sākhui.

KHALATLUI 4:5

“Yanglu, nathumna vāzangda samphangki kaji ram chili nathumna shurphalungki kaji ain kala shiyan-chikan, Proho iwui Varena ili kagaso athishurda ina nathumli tamchitheihaira.

KHALATLUI 5:2

Proho ithumwui Varena ithum Horebli leilakha tuingashit akha sai.

KHALATLUI 6:17

Proho nathumwui Varena nathumli kaso kahai awui ningkhami, awui kagaso, kala shiyan chikan saikora nathumna ningmazingsing eina mayonki kajina.

JOSHUA 1:8

Ainwui Lairik hi mahorhailakalu, kha ngashun ngayā machukpamlu, chithakha kapi kahai kachiva̱wui athishurda ning ngasharda sāshapra; chithāda nawui shongfa mataisangda nana maikhayā samphangra.