KHALATLUI 4:9 - Kathara Bible (BSI)

⁹ “Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

KHALATLUI 4:9 Iomraidhean Croise

HAOKAPHOK 18:19

Maningmana, kaja awui naongarāli, kala awui shimkhurli anaolamshong eina tangda kathar eina khamashung eina Prohowui shongfali zatkhavai kala Prohona ngashitmi kahai chi Abrahamna samphang khavai ali kapangkhui kahaina.”

LAA 119:11

Ina nawui tui iningli shāptithaira, chithāda ina nali morei masāmara.

LAA 71:18

Chieina sarhaida kasārsam kashok atamlila, O Varivara, ili horkahai masāmialu, rāki kaji thot saikorali nawui pangshap ina mahāngseranglakha eina tangda.

SHONGZĀ 10:2

Kala I Prohona da theikhavai, ina Egyptnaobingli kathāda sānganaokhala, kala ina khi khudam chitheimameikhala kaji nanao ngarā kala ara̱-azāli hāngkhavai kasāna.”

SHONGZĀ 23:13

“Ina hāngkahai saikora nganālu kala khangatei varebingwui ming masinglakalu, chili lāngda nathum khamorwui eina nilala mashāranu.

CHĀNSAM 1:8

Nganālu, inaomayara, navāwui hāngkachithei, kala nava̱wui tamkachithei manganākasang masaalu;

CHĀNSAM 23:26

Inaomayara, nawui ning ili milu, kala iwui apong namikna yangkhuiranu.

CHĀNSAM 3:21

Inaomayara, kaphā thangkhamei eina ngasoda mashunning singtitlu; namikyanwui eina athumli mayām ngasakalu,

CHĀNSAM 7:1

Inaomayara, iwui tui mayonlu, kala iwui ningkhami naningli kaziphailu.

ISAIAH 38:19

Kharinga china, kharinga china, nali ningshi; Ina aja kasā thāda; avāva̱na anao ngarāli theikhui ngasaka nawui mashun otsak chi.

ISAIAH 42:20

Ana kachungkha theihaira, kha maphaningkhuilakmana; khanāva shai kha ana manganākhuilakmana.

JEREMIAH 17:21

Prohona hithāda hānga: Nathumwui mirinwui vang nganākazakkhuilu, kala sabbaththang kharita ot maphunglu, lah Jerusalemwui ngaveibing einala maphungzangalu.

LUKE 8:18

“Chiwui vang eina nathum nganākhuikazaklu, khikhalajila khaleia chili chungmeida mira kala makhaleia chiwui eina ana lei da kaphaning chila khuithuihaora.”

EPHESIANAO 6:4

Ava̱-avāngarā, naongarāli athumna malungvātkapaiwui apong eina marākalu, kha Prohowui hāngkachithei kala kharāk chi eina rarkā ngasaklu.

KHALATLUI 11:19

Kala chibing chi nathumna shimli pamlala, shongfali zatlala, kapi atamli kala kathui atamli nanao ngarāli tamchitheiki kajina.

KHALATLUI 12:1

“Navā ngarāwui Proho Varena mikahai ngalei chili nathumna okthuilakha eina tangda ningngasharda mayon khavai ain kala shiyan-chikanbing chi hina.

KHALATLUI 16:3

Nathumna khawok kazang khamui eina ngasoda chi mashaipaimara; shinithang khawok makazang khamui kachotkachāngwui khamuimāng shaira, kaja nathumna Egypt ngaleiwui eina kashok tharan thaklak eina thuihaowa; Egyptwui ngalei eina kashok zimiksho chi nathumna mirin peida phaningungching khavaina.

KHALATLUI 17:19

kala chi awuili haida, awui mirin peida ana pākhavaina, chithāda sāda ana ain kala shiyan-chikan saikora hi awui Proho Vareli khayākashi tamkhui khavaina;

KHALATLUI 29:29

“Thumkahai otsak chi ithum Proho Varewuina, kha ithumli phongmi kahai chiya katang mavaila ithum kala ithum naongarāwuina, kaja ain hiwui tui saikora ithumna mayon khavaina.

KHALATLUI 31:19

Ara chiwui vang eina laa hi kapihailu, kala Israelnaobingli tamchitheilu; athumli sāngasaklu, chithāda sāda laa hina Israel mibingli makhamayāwui shākhina da theikhuiranu.

KHALATLUI 32:46

“ina aja hāngchithei kahai tui saikora hi ningli phumtithailu, chithāda sāda nanao ngarānala ning ngasharda ainwui tui saikora hi mayon khavai nathumna kasora.

KHALATLUI 4:10

Horebli Proho nathumwui Varewui mangāli chithang nathumna nganingda leilakha, Prohona ili, ‘Mibing chi ili kazipkhuimiserlu; kaja ina iwui tui hi athumli shāser ngasakra, chieina athumna okathuili ringlakha eina tangda ili khangachee tamkhuida athumna athumwui naongarāli tamchitheira.’ da hānga.

KHALATLUI 4:15

“Chiwui vang eina nathum khalatta ning ngasharlu, kaja Horebli Prohona nathumli meilungwui eina chān ngazekthang nathumna azak matheimana;

KHALATLUI 4:23

Nathum khalatta ningngasharlu, maningakha Proho nathumwui Varena ngashitmi kahai chi malaihaipaishina, kala Prohona makhamayā meoma̱ sakhuipaishina.

KHALATLUI 6:12

ning ngasharlu, maningakha nathum narkahai shim, Egypt ngaleiwui eina khuikashoka Proho chili malaihaipaishina.

KHALATLUI 6:2

chithāda sāda nathumla, nanao mayarabingla, athumwui ara̱-azābingla ina nathumli kaso kahai awui ningkhami kala shiyan hi thangkachida mirinli mayonchingda Proho nathumwui Vareli ngacheera; chithakha nathum okpeimeira.

KHALATLUI 6:20

“Naoda rāki kaji atamli nanao ngarāna, ‘Ithumwui Proho Varena nathumli kaso kahai ningkhami kala ain eina shiyan-chikanbing hi khiwui vangkhala?’ da khangahān tharan,

KHALATLUI 6:7

nathumna nanao ngarāli meisā eina tamchitheilu, nathumna shimli pamlala, shongfali zatlala, kapi atamlila, kala kathui atamlila hāngchitheilu.

KHALATLUI 8:11

“Ina aja nathumli hāngkahai Proho nathumwui Varewui kagaso, shiyan-chikan hi malaihaipaishina, nganākhuilu:

KHALATLUI 8:14

nathumwui ningli lāngsoda, nathumli tuknar kahai shim, Egyptwui eina thānshokkhame, Proho nathumwui Vareli malaihaipaishina,

HEBREWNAO 2:1

Chiwui vang eina ithumna shākahai khamashung chi ngazipmeida singphalungra, chithākha ithum chiwui eina mangaphongthuimara.

HEBREWNAO 2:3

Hiyākha kahaka huikhami hili ithumna manganāsangla kathada yāmshokpairakhala? Khareli Prohona huikhami hi hāngmi. Kala kashābingna chi mashunga da shākhi mihaira.

JAMES 2:22

Awui shitkasang eina otsak ngaruma, kala shitkasang chi otsakna kāshung ngasaka da nathumna thei.

JOSHUA 1:18

Nawui ningkhamili ngakaikashe, kala nana kakasosoli nawui tui makhanganā mi chili shaothatra. Pingmeida kala malung zangmeida sāmalu.”

JOSHUA 23:11

Chiwui vang eina Proho nathumwui Vareli leishi khavai nathum khalatta nganātitkhuilu.

JOSHUA 4:21

Kala ana Israelwui mibingli hānga, “Naoda rāki kaji atamli nanao ngarāna avāva̱ ngarāli lungkhor hi khiwui vangkhala? da ngahānakha,

PHONGKHAMI 3:3

Chiwui vang eina nana kathada samphangkhuida shākhuikhala kaji phaningunglu, chi mayonda ningngateilu, mamathukakha, ina khale thada rāra, kala ina kharā pung chi na matheimara.

WUNGVA̱-WUNGVĀ 3:7

Kala Israelwui mibingna Prohowui mangāli makhayā otsakmāng sai, athumwui Proho Vareli malaihaida Baal eina Asherothli otram ngatha̱haowa.

WUNGVA̱-WUNGVĀ 8:34

Kala apam kachiva̱li khalei yangkashibing saikorawui eina athumwui Proho Varena athumli kankhami chi Israelnaobingna malaihaowa;