KHALATLUI 4:5 - Kathara Bible (BSI)

⁵ “Yanglu, nathumna vāzangda samphangki kaji ram chili nathumna shurphalungki kaji ain kala shiyan-chikan, Proho iwui Varena ili kagaso athishurda ina nathumli tamchitheihaira.

KHALATLUI 4:5 Iomraidhean Croise

LAA 71:17

O Varivara, nganuilakhawui eina thuida nana ili tamchitheimihaira, kala ina arui eina tangda nawui matakhak kahai otsak vaochingda lei.

SHONGZĀ 18:20

athumli shiyan chikan tuitak kala athumna zatrān apong chi theingasaklu kala athumna khi sarānkhala kaji theingasaklu.

JEREMIAH 11:6

Kala Prohona ili hānga, “Judahwui keinungbing kala Jerusalemwui chānreibingli tui saikora hi chishātlu: Ngashitkahai tui hi khuisangda chiwui athishurda sālu.

EZEKIEL 20:11

Athumli ina iwui shiyan-chikan mihaira kala ain chitheihaira, kala chi khamayon mina kharing samphangra da hāngchithei.

PĀNGMONSHI 19:19

“Nathum iwui shiyan mayonlu. Nathum sei ayur khangatei khani mangalāt ngasakalu; nathum lui akhali athā khani mayaorumlu; kala kachon raklala kazaira̱ yur khani mamanātlu.

PĀNGMONSHI 26:46

Proho eina Israel mibingwui ngachaili Mosesna Sinai phungreili sākhami shiyan-chikan, kaso kahai kala ainbing hi hibing hina.

PĀNGMONSHI 27:34

Sinai Kaphungli Israel mibingwui vang Prohona Mosesli kaso kahai ningkhamibing chi hina.

PĀNGMONSHI 7:38

Israelnaobingna Sinai lamhāngli pha̱phayā khavai, Sinai Kaphungli Prohona Mosesli hāngthang kaso kahaina.

MATTHEW 28:20

kala ina nathumli kaso kahai saikora chi mayon khavai athumli tamchitheilu, kala mithot khangachang eina tangda ina nathumli ngasomichingra.”

OTSAK 20:27

Kaja Varewui kharin saikora chi ina nathumli thumkahai maleilakla hāngmihaira.

1 CORINTHNAO 11:28

Kachichā khalatta shaingayiya, mashaingayimana kaji machuklaga khamui chi shairanu kala tengkotwui chi mangranu.

1 CORINTHNAO 15:3

Ina samkaphang mataimeikap kaji pao chi nathumli mikhamaronna. Chiya Kathara lairikli kapi kahai thada Khristana ithum moreiwui vang thimi,

KHALATLUI 11:32

nathum ning ngasharlu, kaja aja zimiksho ina kagaso khami ain kala shiyan-chikan saikora chi mayonra.

KHALATLUI 4:1

“Chieina ara, O Israel, ina tamchithei kahai ain kala shiyan-chikanbing chi ningkachang eina mayonlu, kala chibing chi sālu; chithakha nathum ringra, kala navā ngarāwui Proho Varena mikahai apam chili nathumna vāda samphangra.

KHALATLUI 4:2

Ina kagaso tui chili nathumna mangarumsangalu, khuikashokla makhuishokalu; chithāda ina nathumli kagaso, Proho nathumwui Varewui ningkhami chi mayonlu.

KHALATLUI 4:4

kha Proho nathumwui Vareli ngashiktit kaje nathumna aja eina tangda ringdalei.

KHALATLUI 4:40

Chiwui vang eina ina aja nathumli kagaso hiwui athishurda Prohowui shiyan kala awui ningkhamibing chi mayonlu; chithakha nathum, kala nanaongarābingla ringphāmeira, kaja Proho nathumwui Varena metchang kahai ram chili sāngmeida okthuira.”

KHALATLUI 5:1

8Mosesna Israel saikorali hokhuida athumli hānga, “Nganālu, O Israel, ina aja nathumli shākhavai kagaso ain kala shiyan-chikanbing hāngkachithei hi nathumna ningkachāng eina shākhuida hi mayontitlu.

KHALATLUI 6:1

“Proho nathumwui Varena nathumli tamchithei khavai ili kaso kahai ningkhami, ain kala shiyan-chikan chi hina, kaja chi nathumna samphangki kaji ram chili mayon khavaina;

KHALATLUI 7:11

Chiwui vang eina ina kaso kahai awui ningkhami, ain eina shiyan-chikan ning mazinglak eina sāki kajina.

KHALATLUI 8:11

“Ina aja nathumli hāngkahai Proho nathumwui Varewui kagaso, shiyan-chikan hi malaihaipaishina, nganākhuilu:

HEBREWNAO 3:5

Mosesna Varewui shimli rao akha sāda ningtonglak eina shitsanga, kala naoda shokki kaji Varena kahāng chi ana shākhi mi.