KHALATLUI 4:4 - Kathara Bible (BSI)

⁴ kha Proho nathumwui Vareli ngashiktit kaje nathumna aja eina tangda ringdalei.

KHALATLUI 4:4 Iomraidhean Croise

LAA 63:8

Imanglāna nali shaitita; nawui yāpangna ili singmi.

ISAIAH 26:20

Ralu, iwui mibing malungkhavāt mavānranglakha, nathumwui kāli zangda, kala khāmong shungnamhailaga kasha̱kha yāmngathumsalu.

EZEKIEL 9:4

Kala Prohona ali hānga, “Jerusalem keinung peida kuivālu, kala chiwui alungli ningkakachai ot kasā theilaga ngahuida ringkhangā athumwui khaveili leishai chukmihailu.”

OTSAK 11:23

Ana vākashung eina mibing chili kathada somikhala kaji theilaga a ringphālakhaowa kala Proholi ningtongda shitsangching khavai athumli kasatsanga.

ROMNAO 12:9

Kāshunglak eina leishilu, makaphāli ningkachailu, kaphā chi singtitlu.

KHALATLUI 10:20

Proho nathumwui Vareli ngacheelu; nathum ali ngavapta otram ngatha̱lu, kala awui mingli mingzailu.

KHALATLUI 13:4

Nathum Proho nawui Varewui thi shurda ali ngacheelu kala awui ningkhami mayonda awui kahāng nganālu kala ali ngavapta otram ngatha̱lu.

KHALATLUI 30:20

nathumna Proho nathumwui Vareli leishida awui kahāng nganāra, kala ali ngavapra; kaja chiya Prohona navāngarā Abraham, Isaac kala Jacob athumli mirada ngashit kahai ngalei chili nathum okpeimeida ringkhavaina.”

KHALATLUI 4:3

Baal-peorli Prohona khisākhala kaji nathumwui mik eina theihaira; kaja nathum ngachaiwui eina Peorwui Baalli kashurabingli Proho nathumwui Varena shimān ngasakserhaira;

KHALATLUI 4:5

“Yanglu, nathumna vāzangda samphangki kaji ram chili nathumna shurphalungki kaji ain kala shiyan-chikan, Proho iwui Varena ili kagaso athishurda ina nathumli tamchitheihaira.

JOSHUA 22:5

Prohowui rao Mosesna nathumli mikahai ningkhami eina ain chi mayontitlu, nathumwui Proho Vareli leishi khavai, awui apong saikorali zatkhavai, awui ningkhamibing mayon khavai, kala ali ngavaptit khavai kala ali nathumwui ning manglā tongda otram ngatha̱ khavaina.”

JOSHUA 23:8

kha nathumna aja sāda khalei thāda Proho nathumwui Vareli ngavaptitlu.

PHONGKHAMI 14:4

Mibing chiya sha̱naoli makhayonabing; kachingbingmānga kala Yaonaona khavāvāli ngasozatching kajebingna, Vare eina Yaonaowui vang athumli mikumowui matheikhare sāda ngatangkhui kahaina.

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,