KHALATLUI 32:6 - Kathara Bible (BSI)

⁶ Mangkhama̱ nathum kala ning makhalei mibing, chithāda nathum Proholi hanmirala? A nathumwui avā, nathumli kasā akhavā, nathumli kasema kala nathumli sākākhame maningmala?

KHALATLUI 32:6 Iomraidhean Croise

2 SAMUEL 7:24

Kala nawui mi sāching khavai nakhalattawui vang nana nawui Israel mibing sakāmihaira; kala nana, O Proho, athumwui Vare ngasāmi.

JOBWUI LAIRIK 10:8

Napāngna ili sema kala sākhui, laga ara nana ili shimān khavai sāluihaira.

LAA 100:3

Proho hi Varena kaji theilu! Ithumli kasaa chi ana, ithum awuina; ithum awui mibingna, kala awui seihomphungwui yaonaobingna.

LAA 116:12

Ili ana sākhami saikorawui vang, ina Proholi khi runra̱khala?

LAA 149:2

Israelna ali kasaali mathānranu! Zionwui mibingna athumwui Awungali mathānranu!

LAA 74:18

O Proho, hi phaningungmilu, yangkashena kathāda mana̱shili, mashitkasanga mina namingli mashāta.

LAA 74:2

Achālakhawui eina nana nganaokhui kahai nawui miyurbingli phaningungmilu, nawui shimluikat sāda ngatangkhui kahaibingli phaningungmilu! Nana sompam khavai Zion Kaphungli phaningungmilu.

LAA 95:6

O ralu, ithum ali ngakhumshamhaida khorumsa, ithumli kasā Prohowui mangāli khuktisa!

SHONGZĀ 15:16

Athumwuitungli khangachee-khangachā tāshunga, kaja napāngwui reikhamatai china athum lunggui thāda mangatha̱thukmana, nana ngatangkhui kahaibing nawui mibing, makanshokranglakha eina tangda, O Proho.

SHONGZĀ 4:22

Chieina nana Pharaohli hāngra, ‘Prohona kahāngna, Israel hi iwui naochizaina.

ISAIAH 1:2

Nganālu, O kazingram; nashunglu, O okathui; kaja Prohona hānghaira; “Ina nganaokhuida naomayarabing rarhaira, kha athumna ili ngakaishiya.

ISAIAH 27:11

Thingphāng thengkahai eina tektāserhaowa; sha̱naobingna rāda chieina mei sai. Kaja hi mashun-makhui makathei miyurna, chiwui vang eina athumli kasāpānala athumli malumashanmara, athumli semkakhuiana athumli ngahankhangaila maleimara.

ISAIAH 43:1

Kha ara O Jacob, O Israel! Nali kasaa Prohona hithāda hānga: “Mangacheealu, kaja ina nali ngatangkhuihaira; mingsinda hokhuihaira, ara na iwuina.

ISAIAH 43:7

Iwui ming eina hokhui kahai saikora, iwui tekmatei khavai ina sakahaibing, ina semda sākhui kahaibing.”

ISAIAH 44:2

Nali kasaa Proho, nava̱wui wukli nali kasema kala ngachonmiki kaje china hānga: Mangacheealu, O iwui rao Jacob, ina kapangkhui kahaia Jeshurun.

ISAIAH 63:16

Kaja na ithumwui Avāva̱na, Abrahamna ithumli matheisālala, Israelna ithumli makhuisangsālala; O Proho, na ithumwui Avāva̱na, achālakhawui eina thuida naming chi ithumwui Ngatangkhamena.

ISAIAH 64:8

Chithālala, O Proho, na ithumwui Avāva̱na; ithum leikhonna, na ithumwui ham kasaana; ithum nawui pāngsaksera.

JEREMIAH 4:22

“Kaja iwui mibing mangma̱haoda athumna ili matheithuwa; athum mangkhama̱ naomayarana, athum theishingkakhui maleimana. Makaphā kasāli athum themlaka, kha kathāda kaphā sara̱khala da matheimana”

JEREMIAH 5:21

“Mangkhama̱, ning makazanga mibing, hi nganākhuilu, mik kālala makatheibing, khanā kālala makashābing.

HOSEA 13:13

Nao kapharāwui kachot chi awui vang ngasāra, kha a mathangkhama naomayara akhana; kaja arui akhalatta naopam khamorli maleimana.

MALACHI 1:6

“Naomayarana avāva̱li khayāshi, kala raona akhavāli khayāshi. Chithākha, I avāva̱ akhana jilaga ili khayākashi kali leili? Kala I akhavā akhana jiakha ili khangachee kali leikhala? da saikorawui Prohona awui mingli yangkakharinga, pāngmonbing, nathumli kahāngna. Nathumna hānga, Ithumna nawui mingli kathāda yangkharinghaokhala?

JOHN 8:41

“Nathumna navā ngarāwui thada sāda lei.” Athumna ngahānkai, “Ithum shāmnao maningmana. Ithumwui Avāva̱ Vare akha lei.”

OTSAK 20:28

Manglā Katharana nathumwui pāngli horsangmi kahai yaonao saikorawuitunglila, kala nathum khalattawuitunglila ngasharlak eina mayonlu kala Anaomayarana thikhami kala pha̱phayākhami mangā eina awui ngasā ngasak kahaia Varewui churchli homlu.

ROMNAO 8:15

Kaja Varena mikahai Manglā china nathumli rao masāngasakmana kala mangachee ngasakmana; kha Varewui naongarā sāngasaka kala Manglā chiwui pangshap eina ithumna Vareli “Abba” Ishava! da khangakaona.

1 CORINTHNAO 6:20

nathumli aman mida lokhuihaira. Chiwui vang eina nathumwui phasā eina Vareli tekmatei ngasaklu.

GALATIANAO 3:26

Kaja shitkasangwui mangā eina Khrista Jishuli ngarumhaoda nathum Varewui naosera,

GALATIANAO 4:6

Nathum Varewui naongarāna da theikhavai Anaomayarawui Manglā chi ithumwui wuklungli sangmida, Manglā china “Abba, Ishava” da vaoshoka.

KHALATLUI 1:31

kala nathum hili marāshungranglakha eina tangda nathumwui kazāt-kakar kachida avāvana anaomayarali phungkazat thāda, Proho nathumwui Vare china nathumli kathāda apam hili khuirākhala da nathumna katheina.’

KHALATLUI 14:1

“Nathum Proho nathumwui Varewui naongarāna; nathum khalatta kathinaowui vang phasā reoda ashee mashok ngasakalu lah kuila masipaimana.

KHALATLUI 32:15

“Kha Jeshurun athaona maruimithaiya, kala ngakaishihaowa; athaona maruimit, nathum asā kalākhaowa, kala nganaipathaowa; chieina ali kasaa Vareli horhaowa, kala awui huikhame Lunghārli mana̱shi.

KHALATLUI 32:18

Nathumli sākakho lunghārli maphaningluithuwa, nathumli pharākakhuiya, Vareli malaihaowa.

KHALATLUI 32:28

“Kaja athum hiya ning makazanga yurna, kala thangkhamei athumwuili maleimana.

2 PETER 2:1

Khare kachāngla minama marānbing shokhaira. Chi tākam eina nathumwui lungli minama ojābing shokra. Athumli kankhame akhavālila mamayāmada shimān khavai kala makhamashung tui tamchitheira. Chieina athum khalattali athumwui tamkachithei china shimān ngasakra.

1 JOHN 3:1

Ithumli Varivarawui nao da homida Avāva̱na kayākha leishimihairakhala kaji yanglu; awui nao ngasā kachanghaira; okathuina ithumli makatheiva athumna Varivarali makatheiwui vangna.