KHALATLUI 32:2 - Kathara Bible (BSI)

² Iwui tamkachithei zingrot thāda rotāranu, iwui tuimatui sikakhuiya ikra̱ thāda, zingrotra̱na shon kadhar khawotungli, kala zingrotra̱na thingnā-ra̱hātungli rokatā tharanu.

KHALATLUI 32:2 Iomraidhean Croise

LAA 72:6

Katatmicham kaje khawotungli kazing rokatā thāda, zingrotna okathuili tara̱ chaikharor thāda, ala chikathā ngasāranu.

MICAH 5:7

Chiwui thili Jacobwui shākkahaibing chi miyur kachungkhawui alungli leira, mibingwui vang makhangaraia, mikumowui vangla mahuikhanganonga Prohowui eina kharā ikra̱ thāda, khawotungli zingpā tākharor thāra.

HOSEA 6:4

Ina nali khi sara̱khala, O Ephraim? Nali khi sarakhala, O Judah? Nawui leikashi ngathorshongwui muiyā kathāna, thengngalang kahai ikra̱ kathāna.

2 SAMUEL 23:4

ngathorwui kahor thāda ana athumwuitungli hormi, muiyā maleilakla kazing kahām kathāna, ngaleili akhar kharkhavai kazing rokhami kathāna.

HEBREWNAO 6:7

Zingrot tārorda mazimkakhui kala lui khavābingwui vang kānkhanā arongbing khar khangasaka ngalei chili Varena somi.

ZECHARIAH 10:1

Kazing romi khavai Proholi polu, mayo kachāngwui zingrot atamli, zingrot muiyā ngakhuikhame Prohowui eina, miwui vang kazing rokhame, mi saikorali luiwui theishirai khameli.

HOSEA 14:5

Ina Israelwui vang ikra̱ kathā ngasāmira; ana timrāwon thāda wonrā, thingrong thāda angayung sa̱khuira;

LAA 65:10

Chāngkahaiya luili nana mavātla tara̱ chaimi, kajujui chi khayammihaida, zingrotna ngalei chorngasaka, kala somilaga reisang ngasaka.

CHĀNSAM 4:2

kaja ina kaphā ningkhami khamina, iwui tamkachithei hi mahorhailakalu.

AMOS 7:16

Chiwui vang eina Prohowui tui chi nganālu; Israelli makhamayā mamarānalu, kala Isaacwui shimkhurli makhamayā pao mahāshokalu da nana hāngdalei!

MICAH 5:6

Athumna Assyriawui ngalei chi raighai eina mungra, kala Nimrodwui ngalei chi sutshok kahai raighai eina mungra; kala athumna ithumli Assyrianaobingwui eina ngatangshokra, ana ithumwui ngaleili rāda tharili phei rānaikasang tharan.