KHALATLUI 30:2 - Kathara Bible (BSI)

² kala nathum eina nathumwui naongarā Proho nathumwui Vareli hanungda aja ina kagaso saikora hi nathumwui ningla manglāla tongda kahāng khanganā tharan,

KHALATLUI 30:2 Iomraidhean Croise

1 THOTRINCHĀN 29:17

Nana wuklung tamyangda mashungrik kahaili ningyangkhaung lei kaji ina thei, iwui Vare, ot saikora hi ina ningtongda kachigatna, kala hili khalei nawui mibing saikorana nawui vang mathanthathup eina kachigatna kaji ara ina theihaira.

1 THOTRINCHĀN 29:9

Chiwui thili mibingna mingairereo eina Prohowui vang chigat khangarokwui vang mibingna mathānthup eina ringphangaroka; David awungala mathanlākhaowa.

2 THOTRINCHĀN 30:9

Kaja nathumna Proholi latungakha, nachinā ngarā, nanao ngarāli tukkathuibingna lumashanmida athumna apam hili latungluishitra. Kaja nathumwui Proho Vareva, lumashankatha̱a kala leishikatha̱ana, kala nathumna ali latungakha nathumwui eina mai mangareithuimara.”

NEHEMIAH 1:9

kha nathumna ili latungda iwui ningkhamibing chi mayonda ithi shurakha, tāmeikap kaji kazingramli kashamvā haisālala, chiwui eina iwui ming chili leikhavai ina kapangkakhuipam chili kazipkhuida khuiungluira.’

LAA 119:2

Awui ningkhamili kashurabing; ali ningtongda kaphābing sokhamina,

LAA 119:80

Ina maikashi masamphang khavai, nawui shiyanwui pongli, iningli shāt makāngasakalu.

LAA 41:12

Kha iwui ningsā khangazipwui vang ili nana khāngkhaningmi kala nawui ngalemli ili haimichinga.

JEREMIAH 29:13

Nathumna ningtonglak eina kaphā chitharan, ili samphangra,

JEREMIAH 3:10

Saikora hi thatheilaga makhamashungva̱ achināva̱ Judahna ili ningtongda malatungmana, kha sākhaninga, da Prohona hānga.”

JEREMIAH 36:3

Ka̱lākashi rākhavai ina ngarān kahai hi Judahwui shimkhurna shālaga ning ngateida makaphāwui eina latunglapai; chithakha athum ava̱va̱na latungda inala athumwui khayon kala morei pheomi paira.”

JEREMIAH 4:14

O Jerusalem, nali huimi khavai makhayāwui eina wuklung pheomathālu. Karankha makaphā ning nawui wuklungli leifarakhala?

CHAPCHĀT 3:32

kha, ana khanang ngasaklala, awui makhavāta makhangachei leikashi chiwui athishurda ana lumashanmira;

CHAPCHĀT 3:40

Ithumwui apong ithum khalatta machukyangsa, kala tamyangda Proholi mai ngareiungsa!

EZEKIEL 6:9

chieina mi ngaleili yāmkhavā nathum raithā kahaili khuivā kahai chitharan ili phaningungra, kaja iwui eina pākthui kahai athumwui maphākakhui ning chi ina sakhaikhami tharan, kala maphākhuilakla meoma̱li shurkazatwui mik chi ngapeo ngasakhaora; kala athum khalattawui mikyanli athum khalatta, athumna makhangayi sākahai saikora chiwui vang ningkachaira.

HOSEA 3:5

Naoda Israelnaobingna latungra kala athumwui Vare Proholi kala athumwui awunga Davidli phāra; kala athumna ngacheeda Proho kala awui kaphā chili khanaowa zimiksholi latungra.

PĀNGMONSHI 26:40

“Kha athumwui morei hāngphatta, kala avāva̱ ngarāwui khayonkhamāng kala mahengkasangwui vang kala iwui zatngasak khangaili makazat,

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

2 CORINTHNAO 3:16

Kha hithada kapihaida lei, “Prohowui mangāli yangkakā tharan awui fakharor chi lānmihaira.”

EPHESIANAO 6:24

Ithumwui Proho Jishu Khristali mathāhailakla leikashe athum saikorali Varewui lukhamashan china ngasomichingranu.

KHALATLUI 13:3

marānbing nilala, mang katheiapali nilala manganāsangalu; kaja nathumna Proho nathumwui Vareli wuklung kala manglā kala ningtongda leishikā maleishikhala da Proho nathumwui Varena nathumli chāng katamna.

KHALATLUI 6:5

Proho nathumwui Vareli nathumna wuklung, manglā, yāng tongtingda leishira.

1 JOHN 1:9

Kha ithumna ithumwui morei Vareli hāngphatakha ana awui tuingashit chi makaimara, kala mashun chi sāmira: ithumwui moreila pheomida khayon sākahai saikorawui eina ana tharmira.