KHALATLUI 3:5 - Kathara Bible (BSI)

⁵ Keinung saikora hi raipan juilak eina ngaveitit kahai, ngaveila veiruithing sāsangkazazak kahaimānga; chili lāngda makhangavei kha̱wung kachungkhala khui.

KHALATLUI 3:5 Iomraidhean Croise

NEHEMIAH 9:25

Kala athumna raipan ngaveiphin kahai keinungbing kala ngalei katuma lam yuikhui, kala athumna shimli leikasā khamathā ot kachungkha, khonkhui kahai ra̱khong, drakhā yāmgui, olive yāmgui, kala atheirong ayur kachungkha samphanga; chieina kathokachir samphangda thaoaowa, kala nawui khamathā otsak chili athum ningyāngkhaung samphanga.”

ESTHER 9:19

Chiwui vang eina kha̱-kha̱li kapam Jehudibingna, Marun kachāngwui tharāda khamatethang chi khamathānwui zātkhān kasā kala khamathāna zimiksho akha sāngasaka, kala akha eina akha ot khamathāthā mingaroka.

MISHĀN 13:28

Chithālala ngalei chili kasombing chi panga, kala keinung chi raipan sāda hakmahālaka; chili lāngda ithumna Anakwui ara̱-azāla chili thei.

KHALATLUI 1:28

Ithum kali vauki kajikhala? Ichinā ngarāna ithumli ning shimān ngasakta, “Mibing chi ithumli hakmei kala juimei; keinungla haklāka kala kazing kazokta ngaveitithai; chili lāngda Anakimwui naomayarabingla chili thei.”’ da hānga.

KHALATLUI 3:4

Kala ithumna Bashanli Ogwui wungram, Argobwui apam saikora—keinung akhanida makakhui maleimana: keinung hangtharuk khuiya.

KHALATLUI 3:6

Kala ithumna Heshbon awunga Sihonli kasā thāda keinung kachiva̱ peichaoda sākazammiserhaowa; mayarnao, sha̱nao kala naoshinaobingla sāthatserhaowa.

HEBREWNAO 11:30

Shitkasang mangā eina Israelnaobingna Jericholi shinithang kakui eina chiwui phākho minkhaihaowa.

1 SAMUEL 6:18

kala sināwui shiok chi, Philistine wungnao phangā chiwui athishurda keinungbing kala raipan sakahaiya keinung, phākho makasā kha̱ kachiva̱ akharip mashing peida sākhui. Prohowui ningkhami oko haizang khavai ngalung kahaka chi aja eina tangda Beth-shemeshpa Joshuawui luili leichingda lei.