KHALATLUI 3:3 - Kathara Bible (BSI)

³ “Chieina Proho ithumwui Varena Bashanwui awunga Ogla, kala awui mi saikora ithumwui pāngli sangmi; kala ithumna akhala mataimimana.

KHALATLUI 3:3 Iomraidhean Croise

LAA 136:20

kala Bashanwui awunga Ogli, kaja awui makhangachei leikashi katang mavaimana;

MISHĀN 21:35

Chieina athumna ali, awui naomayarabing kala awui mibingli sāthatserhaowa; khipākha maringshokmana. Chieina ngalei chi athumwui ngasāhaowa.

KHALATLUI 29:6

nathumna zātla mazāranga, kala drakhāra̱ranu, zamsheiranu mamangranga, kaja, I Proho nathumwui Vare china kaji theikhui khavai kasāna.

KHALATLUI 3:2

Kha Prohona ili hānga, ‘Ali mangacheelu; ala, awui mibingla awui ngaleila, ina nathumwui pāngli horsangmihaira; nathumna ali Heshbonli kapama Amorwui awunga Sihonli kasā thāda sāmira.’

KHALATLUI 3:4

Kala ithumna Bashanli Ogwui wungram, Argobwui apam saikora—keinung akhanida makakhui maleimana: keinung hangtharuk khuiya.

KHALATLUI 4:47

Awui lam kala Bashan awunga Ogwui lamla, Jordan kānda zingshoshong mungkasā Amornaowui awunga khaniniwui lam athumna khui;

JOSHUA 13:12

Ashtaroth eina Edre-i lungli khamunga, Bashanli khalei Ogwui wungram saikora (amāng Rephaimwui ngachaili taishoka); saikora hi Mosesna yuikhuida kashamshok kahaina.

JOSHUA 13:30

Athumwui lam chi Mahanaim eina thuida Bashanwui awunga Ogna khamunga wungram saikora, Jairwui keinung saikora zangda, Bashanli khalei keinung hangtharuka,