KHALATLUI 3:2 - Kathara Bible (BSI)

² Kha Prohona ili hānga, ‘Ali mangacheelu; ala, awui mibingla awui ngaleila, ina nathumwui pāngli horsangmihaira; nathumna ali Heshbonli kapama Amorwui awunga Sihonli kasā thāda sāmira.’

KHALATLUI 3:2 Iomraidhean Croise

2 THOTRINCHĀN 20:17

Nathumna rai hili ngarar khavai maleimana; nathumwui pam khuida nganingpamlaga nathumwui vang Prohona yuikhami chi yanglu. O Judah eina Jerusalem! Mangachee kala mangangalu; akhama athumli vāngararlu, kala Prohona nathumli ngasomira.”

ISAIAH 41:10

mangacheealu, ina ngasomida lei, kaphaning masuitālu, kaja I nawui Varena; ina nali yāng ngarumsangmira, ina nali ngachonmira, ina nali iwui khayuia yāpang eina kanmira.

ISAIAH 43:5

Ina ngasomida lei, mangacheealu; “Nawui ara̱-azā zingsho zingtun eina kazipkhuira.

MISHĀN 14:9

Proholi mangakaishilaklu; kala ngalei chiwui mili mangacheelu, kaja athum ithumwui hanyarna; athumli kanmi khavai maleimana, kala Prohona ithumli ngasoda lei; athumli mangacheealu.”

MISHĀN 21:34

Kha Prohona Mosesli hānga, “Ali mangacheelu, kachiwui vangkhala jila ina a kala awui mibing kala ngalei nawui pāngli sangmihaira; kala Heshbonli sompamkasa Amorwui awunga Sihonli sākhami thāda alila sāmipapamra.”

OTSAK 18:9

Thang ngayakha Paulli Prohona rāmahāmida hānga, “Mangacheealu, tamchitheilu, kasaikha mapamhaialu;

OTSAK 27:24

hānga, ‘Paul, mangacheealu! Nana Caesarwui mangāli nganingphalungra kala yanglu, nali tongkhangaruma saikora Varena nali mihaira.’

KHALATLUI 20:3

‘Nganālu, O Israel, aja nathumna yangkashebingli ngarar khavai rāhaira; nathumwui ning mashimānhaialu, ngacheeda makathiralu lah athumli yanglaga khangachee-khangachāla maleialu;

KHALATLUI 3:1

“Chiwui thili ithumna ngareikhuida Bashanvāk vai, kala awunga Ogna awui mi saikora thānlaga ngarar khavai Edre-ili rāngaroka.

KHALATLUI 3:11

(Kaja Rephaimbingwui eina taikashok Bashanwui awunga Ogmang leisai; yanglu, awui pet mari eina sāda maripet chiwui asān khuining chiko, kala aret khuining matina, aruila Amonbingwui Rabbah keinungli lei).

KHALATLUI 3:3

“Chieina Proho ithumwui Varena Bashanwui awunga Ogla, kala awui mi saikora ithumwui pāngli sangmi; kala ithumna akhala mataimimana.

JOSHUA 10:8

Kala Prohona Joshuali hānga, “Athumli mangacheelu, kaja athumli ina napāngli horsangmihaira; athum mi khipānakha nali mangasungrarmara.”

PHONGKHAMI 2:10

Nathum khanangki kaji khikhikhawui vang mangangalu. Yanglu nathumli chāng tamyang khavai chipeena kaikhali phātop sangra; kala tharāthangwui vang kakhanang samphangra. Kathi eina tangda ili shitsangmalu; Ina kharingawui kuihon mira.