KHALATLUI 27:3 - Kathara Bible (BSI)

³ Proho nathumwui Vare, navā ngarāwui Proho Varena nathumli ngashit kahai thāda, nathumli mikahai seina̱ eina khuira̱ khalong ngalei chili nathumna vākazang tharan, ainwui tuibing chi chiwuitungli nathumna kapisangra.

KHALATLUI 27:3 Iomraidhean Croise

JEREMIAH 11:5

chithāda nashāvā ngarāli ngashit kahai seina̱ eina khuira̱ khalong lam aja nathumna pamda khalei chi mira kaji chi ina ungshung ngasakmira.” Chieina ina, “Chitharanu, Proho!” da ngahānkai.

JEREMIAH 32:22

avāva̱ ngarāli ngashitta seina̱ eina khuira̱ khalong ngalei hi athumli mi;

PĀNGMONSHI 20:24

Kha ina nathumli hānghaira, ‘Nathumna athumwui ngalei khuira, kala khuira̱ eina seina̱ khalong lam chi nathumwui ngasā khavai chi nathumli mira.’ Mibingwui eina ngatei khangasaka I nathumwui Proho Varena.

MISHĀN 13:27

Kala athumna Mosesli hānga, “Nana ithumli kachiho ngalei chili vai; ngalei chi seina̱ eina khuira̱ longa, kala hi chiwui atheina.

MISHĀN 14:8

Prohona ithumli ningyāng ungakha, ana ithumli ngalei chili thānzangda seina̱ eina khuira̱ khalonga apam chi ithumli mira.

KHALATLUI 26:9

kala ana apam hili thanrāmida seina̱ eina khuira̱ khalonga ngalei hi ithumli miya.

KHALATLUI 6:3

Chiwui vang eina nganālu O Israel, ning ngasharlak eina chibing chi sākhavai sālu; chithākha nathum mahaimeira, kala navā ngarāwui Proho Vare china nathumli ngashitmi kahai thāda, seina̱ eina khuira̱ khalong ngalei chili nathum kachungkha mayāsangra.

KHALATLUI 6:8

Kala mamalai khavai, nathumna khudam sāda nathumwui pānglila, mik khaniwui ngachai khaveilila hokthāngphunglu.

HEBREWNAO 10:16

“Rārāda khalei atamli ina athumli tuingashit sāki kaji chi hina da Prohona hānga: Ina iwui ainbing hi athumwui wuklungli sangmira. Kala chi athumwui ningli kapisangmira.”

JOSHUA 5:6

Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.

JOSHUA 8:32

Kala chili, Israel mibingwui mangāli, ana Moseswui ain lungphek akha kapihaikasā chi ngalungbingwuitungli kapisanga.