KHALATLUI 26:2 - Kathara Bible (BSI)

² Proho nathumwui Varena nathumli mikahai ngalei chiwui athei-arai matheikhare chi nathumna hātkakhui tharan, Proho nathumwui Varewui aming leikhavai ana kapangkakhuia apam chili luk eina khuivālu, kala awui ming chili leingasaklu.

KHALATLUI 26:2 Iomraidhean Croise

2 WUNGNAOBING 4:42

Baal-shalishahwui mi akhana Varewui mi chili, matheikhare kashakazā, nāpai khamuitang maga̱, mā khanganao borākha khuirāmi. Elishana hānga, “Mibingli shaikhavai chi mihaolu.”

2 THOTRINCHĀN 31:5

Kakaso chi ngayaokhaleoda Israelnaobingna, samphangkhare theishirai; drakhāthei, thao, khuira̱, kala luiwui eina samkaphang saikorawui eina ot kachiva̱ tithe kachungkha chigata.

2 THOTRINCHĀN 6:6

kha iwui ming leikhavai Jerusalemli ina kapangkhui, kala iwui yur Israelwuitungli mungkhavai Davidli hākhui kahaina.’”

NEHEMIAH 12:44

Chithang zātshim yangmi khavai, vākshot, matheikhare athei, tithe saikora kazipmi khavai, ainwui athishurda pāngmonbing eina Levibingwui sharuk ngayarmi khavai keinungli khalei lam athishurda mi phāsanga; kaja otram khangatha̱ pāngmonbing eina Levinaobingli Judahna ningyāng unglakhaowa.

NEHEMIAH 13:31

kala retkahai atamli matheikhare athei pha̱khavaiwui vang thing ina ngarānmi. O iwui Vare, ili phaningungmi chinglu.

SHONGZĀ 20:24

Ngalei eina hanphut akha sākhuilaga nathumna chili rikkatā hanphut kala ningyatchigat sāra, yaola, seila pha̱phayāra; kala ina iwui ming theingasakta phaningung ngasakkhangai apam kachida ina nathumli rāda somichingra.

SHONGZĀ 22:29

“Nawui mā khamin tharan kala athei-arai minda phākakhui tharan kachigat mahuipaimara. “Naomayara naochizai ili miphalungra.

SHONGZĀ 23:16

“Nathumna luili khayao theishiraiwui matheikhare athei chieina ngasoda māhā phanit mayonlu. “Kumpeili nathumna luiwui eina theishirai kazipkakhui tharan chumpha̱ phanit mayonlu.

SHONGZĀ 23:19

“Nathum ngaleiwui matheikhare athei chi nathumwui Proho Varewui shimli khuirāra. “Nathumna yaonao awui ava̱wui na̱ra̱ eina mahangshaipaimana.

SHONGZĀ 34:26

“Nawui ngaleiwui athei-arai matheikharewui khare chi nawui Proho Varewui shimli khuirāphalungra.” “Nathumna yaonaosā ava̱wui na̱ eina mahangpaimana.”

JEREMIAH 2:3

Matheikhare heithei Israel hi Proho wui mangali kathara ngasāsai. chi kashaia saikora yomphungda kalākashi athumwuitungli tai da Prohona hānga.”

EZEKIEL 20:40

“Kaja Proho VAREna hānga, Iwui kathara kaphung, Israelwui kajuiya kaphungtungli, iwui mi Israel shimkhur saikora, athum saikora, ngalei chili ili otram ngatha̱ra, chili athumli ina khuisangmira, kala chili nathumwui khami kala phameikap kaje kachigat kala kathara pha̱kaphayā chi khuisangmira.

EZEKIEL 44:30

Atheiyur saikorawui matheikhare kala rāchigatkhare ot saikora chi athumwui sāra; kala nathum mahaimei khavai nathumwui hātkhuikhare chi athumli milu.

EZEKIEL 48:14

Hi athumna khayorla mayorpaimana, khangatha̱la mangatha̱paimana; mi khangateili mamipailakmana kaja, hi Prohowui vang kathara apamna.

PĀNGMONSHI 2:12

Kachigat sāda athei-arai khuishaikhare chi Proholi khuirāpai, kha ningyāngkhaunga nganamkaphā sāda hanphutli mariktāpaimana.

PĀNGMONSHI 2:14

Nathumna samphangkharewui tharāzāt Proholi chigatakha, samphangkhare tharāzātwui māmazan eina reokhuikhare kadhara chi meili sharlaga māngatai eina chigatlu.

ROMNAO 11:16

Khamui akai khare chi Vareli chigatakha, khamui ahāng katonga chila awuina, kala thingrongwui angayung chi Vareli chigatakha aphāng saikorala awuina.

ROMNAO 16:5

Aniwui shimli kazip khangaruma churchlila shālam mili. Asia ngaleili Khristali shitsangkhare iwui leikashiya ngasotnao Epaenetusli shālam mili.

ROMNAO 8:23

Sākhui kahai katongamāng maningla kha ithum Manglāwui athei samphangkhare, Varena awui naongarā sāngasak khavai kala ithumwui kharing-kharak saikora ningkhān ngasak khavai ngaraida khaleia ithumla ringāda lei.

1 CORINTHNAO 15:20

Kha makhangapata tui chiya Khristali kathiwui eina ringshok ngasakhaira kaji hi kathebingna ringluishitra kajiwui ning nganung khangasakna.

1 CORINTHNAO 15:23

Kha mi kachiva̱ ringkhalui hi khari khanao ngavāra, chiya rimeikapta Khrista, chiwui thili awui latkharā tharan awui ngasā kahaibing,

1 CORINTHNAO 16:2

Haptā kachiva̱wui kharethang kachichāwui mikashap chi phaishokhaolu, chithākha I kharā tharan mangashailuimara.

KHALATLUI 16:10

Chiwui thili haptāwui phanit nathumwui Proho Vareli mayonlu kala Proho nathumwui Varena nathumli sokhami athishurda nathumwui mikhangangai chi Vareli chigatlu;

KHALATLUI 18:4

Māla, drakhātheila, kala nathumwui thaola hātkhuikhare kala nathum yaowui yaohah chichāpkhuikhare chi athumli mira.

KHALATLUI 26:1

“Proho nathumwui Varena nathumwui shimlui ngarānmi kahai ngalei chili nathumna vāzangda kala vākhuida akasom tharan,

KHALATLUI 26:3

Kala atam chitharan phungkasā pāngmon chili nathumna vāda, ‘Prohona ishāvā ngarāli mirada ngashit kahai ngalei hili ina rāsomhaira kaji hi nawui Proho Varewui mangāli ina hāngkaphatna’ da hānglu.

JAMES 1:18

Khamashung tui chiwui mangā eina ā khalattana ithumli raokthui ngasaka. Chieina ana sākahai saikorawui ngachaili ithum hi pharākhare kathā ngasai.

JOSHUA 18:1

Chiwui thili Israel yarui ashangva̱ Shilohli ungkazipta chili kazip khavai kachonshim akha sākai; ngalei chi athumna yuikakhuina.

PHONGKHAMI 14:4

Mibing chiya sha̱naoli makhayonabing; kachingbingmānga kala Yaonaona khavāvāli ngasozatching kajebingna, Vare eina Yaonaowui vang athumli mikumowui matheikhare sāda ngatangkhui kahaina.