KHALATLUI 2:9 - Kathara Bible (BSI)

⁹ Kala Prohona ili hānga, ‘Moabnaobingli masingkharākalu lah rai sākhavai mangasungalu; kaja ina athumwui ram akhala nathumli mamimara, khikhalajila ina Ar hi Lotwui naomayarabingli athumwui samphangrān mikahaina.’

KHALATLUI 2:9 Iomraidhean Croise

2 THOTRINCHĀN 20:10

“Ara yanglu, Israelnaobing Egyptwui eina kashok tharan nana rai masā khangasaka Amonnao, Moabnao, kala Seir Kaphungwui mibingna,

LAA 83:8

Assyriala athumli zanghaira; athum chiya Lotwui naongarāwui ngachaili kapanga chi ashina.

ISAIAH 15:1

Moabwui pongli khamarān: Khikhalajila Arli thangngayākha akha̱ sāmihaoda Moab kuphaira; khikhalajila Kirli thangngayākha akha̱ sāmihaoda Moab kuphaira.

MISHĀN 21:15

kala Tampākwui leishāmbing, Arwui pam vāshunga, kala Moabwui thari ungshunga.”

MISHĀN 21:28

Kaja Heshbonwui eina mei shoka, Sihonwui keinung eina meiwon shoka. China Moabwui Ar chuitai, Arnonwui akhokabing pitai.

MISHĀN 22:4

Chieina Moabna Midianwui ararbingli hānga, “Seina tampākwui khawo khamarop thāda mibing hina ithumli kuimareida khaleibing maropngakānki jihaira.” Atam chitharan Moabwui awunga Zipporwui naomayara Balakna sāsai,

KHALATLUI 2:29

ithumwui Proho Varena ithumli mikahai ngalei Jordan kānda mavāshungranglakha eina tangda, Seir ngaleili Esauwui naomayarabingna kasā thāda kala Ar ngaleili khalei Moabnaobingna kasā thāda khamayāmilu.’

KHALATLUI 2:5

athumli mangasungalu; kaja ina athumwui ram akhala nathumli mamimara, phei naisang khavai rikkha eina tangdala mamimara; khikhalajila Seir Kaphung hi Esauna samphangrān ina ali mikahaina.

WUNGVA̱-WUNGVĀ 11:15

“Jepthana hithāda hānga: Israelwui mibing Moabwui lam lah Ammonwui lamla makhuilakmana,

WUNGVA̱-WUNGVĀ 11:17

Atam chili Israelna Edom awungali paomebing chihoda ‘Ithum nawui ngalei eina kānkhuihaoga,’ da hānga; kha Edom awungana mashāmithuwa. Kala Moabwui awungalila chihovai, kha anala mamayāmithuwa. Chiwui vang eina Israelna Kadeshli pama.

WUNGVA̱-WUNGVĀ 11:18

Chiwui thili athumna lamhāngshong eina Edom ngalei kuikhui, Moab ngaleila kuikhuida Moabwui zingshoshong ashoka; kala Arnonwui lākhavāk rāmrah sāda vāpama; kha athumna Moab ngaleili mazatvāmana, kaja Arnonna Moab ngaleiwui tharina.