KHALATLUI 2:7 - Kathara Bible (BSI)

⁷ Khikhalajila nathumwui kasāsā saikorali nathumwui Proho Varena nathumli somihaira; nathumna khamashā lamhāngli kasāngkha kazatla ana thei; kum hangmati hili Proho nathumwui Varena ngasomida nathum khikha mavātlakmana.’

KHALATLUI 2:7 Iomraidhean Croise

LUKE 22:35

Chieina ana athumli hānga, “Ina nathumli lupākhaola, paidula, pheihopla mazangla chihokhavā tharan nathum khikha khavāt leihaolā?” “Khikha khavāt maleimana” da athumna ngahānkai.

NEHEMIAH 9:21

Kum hangmati nana athumli nganaomi, kala athumna khikhanida mavatmana; athumwui kashankachonla makākmana, pheila khawor mavaimana.”

KHALATLUI 29:5

ina nathumli lamhāngli kum hangmati thānzathaira; nathumwui khangavai kashankachon makāklakmana, kala nathumna katong pheihopla makākmana;

LAA 31:7

Nawui makhangachei leikashiwui vang ina ringphāda mathānra, khikhalajila nana iwui sipkasā theimihaira, iwui yangkashebingli nana theikhuihaira,

JOBWUI LAIRIK 23:10

Kha ina kazat shongfa chi ana thei, ana ili chāng yanghaiakha I sinā thāda shokra.

LAA 90:17

Ithumwui Vare Prohowui ngahānkhangai ithumli tārormiranu, kala ithumwui pāng eina sākahai ithumwuitungli sakāmilu, mha, ithumwui pāngna sākahai ot nana ungshungmiranu.

HAOKAPHOK 26:12

Kala chikum Isaacna lui vāsangda heiun kachungkha khui. Prohona ali somi,

HAOKAPHOK 24:35

Iwui akhavāli Prohona hakmahālak eina somida kahaka mi ngasāhaira; sha̱kei, sinā lupā, rao sha̱naola mayarnaola, utla, gadhāla kachungkha ngarumsangmihaira.

HAOKAPHOK 12:2

Kala ina nali kahaka yur akha sāngasakta nali sokhamila somira, nawui ming reingasakta, somi kahaia mi akha sāngasakra.

HAOKAPHOK 39:5

Awui shimli awui thongthāng kala awui khalalei saikorawui kashina Josephli sāngasakthangwui eina thuida awui mangā eina Egyptpawui shimkhurli Prohona somi; Prohowui sokhami chi awui shimlila luilila khalei saikorali tāshungsera.

JOHN 10:27

Iwui yaobingna iwui akhon shai; ina athumli thei, kala athumna ili shura.

LAA 1:6

kaja Prohona khamashungabingwui apong chi yangda lei, kha makhayāwui apongva shimānra.

HAOKAPHOK 30:27

Kha Labanna ali hānga, “Ina hāngkhangai akha lei, kaja nawui mangā eina Prohona ili somihaira;

MISHĀN 14:33

Kala nathum lamhāngli mathingakanranglakha eina tangda, nathumwui mashitkasangwui vang nanaongarāli kum hangmati chotchāngda lamhāngli yao kahoma sāra.

MISHĀN 14:34

Nathumna Canaanli akhayang zimiksho hangmati thangwui athishurda, thangkhana kumkha sāda, zingkum hangmati nathumwui khayonkhamāng phungra kala iwui ningyāng makhaung chi nathumna theira.’

MISHĀN 32:13

Hithāda Prohona Israelli malungvāt kahaiwui vang, awui mangāli makaphā kasā mithot chi makānranglakha eina tangda zingkum hangmati lamhāngli zatkhangasakna.

KHALATLUI 1:19

“Kala ithumwui Varena kagaso athishurda ithumna Horebwui eina zatphokta nathumna theikahai khamashā kala khangachee-khangachā lamhāngli zatta Amor phungreiramli vai, kala Kadesh-barneali vāshunga.

KHALATLUI 1:46

Chiwui vang nathumna Kadeshli chirankha pamkahaina.

KHALATLUI 2:6

Nathum zākhavai kashakazā pheisā milaga athumwui eina lozālu, kala nathum mangkhavai tara̱la pheisā eina lomanglu.

KHALATLUI 2:14

Thot chiwui rai kasābing Prohona ngashit kahai thāda athum mathingakānranglakha eina tangda ithumna Kadesh-barneawui eina zatphokta Zered kong kakān kum thumrāda chishatna.

JOSHUA 5:6

Kaja Egyptwui eina kashoka mibing, raimi saikora mathingakanranglakha eina tangda Israelwui mibing kum hangmati lamhānglungli zata; khikhalajila athumna Prohowui tui makhuisangmana; athumli seina̱ eina khuira̱ khalonga ngalei mirada avāva̱ ngarāli Prohona ngashithaikasā chi athumli mathei ngasakmara da Prohona ngashithaowa.

LAA 107:4

Kaikhana siwuk khamasaili zata, keinungli pamkhavai apong masamphangthuda;

JEREMIAH 2:2

“Vāda Jerusalem katongana shākhavai vaomalānlu da Prohona hānga, ina phaningunga, mayar-ngalā sālakha nawui ningkasang, mākkhām kahaiva kathawui leikashi, khikha mayaokasang ngalei, lamhāngli nathumna ili kathāda shurzatsakhala kaji chi.

HOSEA 13:5

Nali lamhāngli katheipa chi ina, kazing kakāng ngaleili katheipa chi ina;

AMOS 2:10

Kala Egyptwui eina ina nathumli thānshoka, Amorwui ngalei khuikhavai, lamhāngli kum hangmati thānzata,

HAOKAPHOK 39:3

Josephli Prohona ali ngasomidalei, kala awui kasā saikorali Prohona reisang ngasakta lei da akhavā china theihaowa.

SHONGZĀ 16:35

Israelnaobingna athum pamkapai apam mavāshungranglakha eina tangda kum hangmati manna zai; Canaan ngalei thari mavāshungranglakha eina tangda manna zai.

MISHĀN 1:1

Egypt ngaleiwui eina athumna shokta kakhane kum, kachāng kakhanewui kharethang, Sinai lamhāngli leilakha kazip khavai kachonshimwui alungli Prohona Mosesli hānga,

MISHĀN 22:12

Varena Balaamli hānga, “Na athumli mangasovāpaimara; nana miyur chili makhonshipaimara, kaja athum somi kahaiyana.”

KHALATLUI 29:4

kha aja eina tangda nathumwui ningli theikhui khavai, lah mik eina theikhui khavai kala khanā eina shākhui khavai Prohona nathumli mamiranga.