KHALATLUI 2:4 - Kathara Bible (BSI)

⁴ Kala mibingli hānglu, ara nachinā Seirli kapāna Esauwui naomayarabingna pamkhavai ngalei chi kānki jihaira, athum nathumli ngacheehaora. Chieina ning ngasharlu;

KHALATLUI 2:4 Iomraidhean Croise

HAOKAPHOK 25:23

Kala Prohona ali hānga, “Nawui naopamli miyur khani zangda lei, Nana kapharā miyur khani hi ngayarkhaira. Akhana akhapāli pangmeira, khararana paisholi otram ngatha̱ra.”

HAOKAPHOK 36:8

Chiwui vang Esauna Edomwui Seir phungrei ngaleili apanhaowa; Esau Edomna.

SHONGZĀ 15:15

Ara Edomwui akhokabing khananghaira; Moabwui kathānabing kathirhaira; Canaanli khaleibing pangshap shimānhaira.

SHONGZĀ 15:16

Athumwuitungli khangachee-khangachā tāshunga, kaja napāngwui reikhamatai china athum lunggui thāda mangatha̱thukmana, nana ngatangkhui kahaibing nawui mibing, makanshokranglakha eina tangda, O Proho.

MATTHEW 5:16

Nathumwui kahor chi mibingwui mangāli horngasaklu, chithākha athumna nathumwui kaphā otsak chi theilaga kazingramli khalei nathumwui Avāli masochikatra.

LUKE 12:15

Chieina ana athumli hānglui. “Ningkhariklu kala khangamarli ningngasharlu; kaja mikumo akhawui mirin hi awui lan tarākha khalei chili khalei maningmana.”

EPHESIANAO 5:15

Chieina nathumna kathada ringda leikhala da ngasharlu. Mangkhama̱ mibing mathala, thangkhamei mibing thada okthuilu.

KHALATLUI 2:3

‘Nathumna phungreiram hili kuizatta sangnāhaira; ara atungshong ngareishangulu.

KHALATLUI 23:7

“Nathum Edomnaobingli machinpaimana, kaja athum nachināsera; nathumna Egyptnaobingli machinpaimana, kaja nathum aramli khami sāda pamsai.

PHILIPPINAO 2:15

Chithākha khamakhao okathui hili nathumna morei kaphunga mibingwui alungli okthuilala khayon makhalei kala kathara, Varenao thada okthuira. Kharingwui chānpao chi athumli mida, sirāna kazingram horkhangasak thada athumwui ngachaili nathumna horphalungra.

COLOSSIANAO 4:5

Mashitkasangbingliva atam yangda thangmeilak eina sālu,