KHALATLUI 16:3 - Kathara Bible (BSI)

³ Nathumna khawok kazang khamui eina ngasoda chi mashaipaimara; shinithang khawok makazang khamui kachotkachāngwui khamuimāng shaira, kaja nathumna Egypt ngaleiwui eina kashok tharan thaklak eina thuihaowa; Egyptwui ngalei eina kashok zimiksho chi nathumna mirin peida phaningungching khavaina.

KHALATLUI 16:3 Iomraidhean Croise

1 WUNGNAOBING 22:27

awungana hithāda hānga, I maungranglakha eina tangda mipa hili phātopli sanghailu, kala zātla, tara̱la kateteo māng mimalu.”

LAA 102:9

Kaja ina hotla zāt thāda zai, chāra̱ ra̱shakli manāta,

LAA 111:4

Ana awui tekhamatei ot phaningung ngasakhaira; Prohova lumashan leishi kathāna.

LAA 127:2

Nana thorlak eina ngakarthui, huilak eina pilaga ningkashaklak eina vākasangwui kashakazā kazā aremana; kaja awui ngahānkhangaiali ana pikhui ngasaka.

SHONGZĀ 12:11

Nathumna hithāda shaira; nathumna kashān masa̱laga, pheihop sanglaga, kala napāngli khāmshui ngazunglaga katotlak eina shaiki kajina. Hi Prohowui makānkhami phanitna.

SHONGZĀ 12:17

Kala khawok makazang khamui phanit nathumna mayonra, kaja chithang nathum katongali ina Egypt ngaleiwui eina thānkashokna: Chiwui vang eina thot kachida nathumna zimiksho hi shiyan sāda mayonchingphalungra.

SHONGZĀ 12:39

Kala athumna Egyptwui eina khuikaphung khawok makazang khamui chi sākhui, kaja thaklāk eina kasham kahaiwui vang mangaraiphathuda kashakazā khikha khangarān masaphāthuwa.

SHONGZĀ 12:8

Athumna chithang ngayā asā chi ruishaira, khawok makazang khamui kala khārisi kaje thingnā han eina ngasoda shaira.

SHONGZĀ 34:18

“Khawok makazang khamui phanit nathumna mayonra. Ina kakaso thāda shinithang khawok makazang khamui shaira; hi hāngkahai thāda Abib kachāngwui atamli sāchingra; kaja Abib kachāng hili nathumna Egyptwui eina shoka.”

ISAIAH 52:12

Kaja nathum katotsisi eina mashokmara, kala mayāmzatmara. Kaja Prohona nawui mangāshong rida zatra, kala Israelwui Varena nathumwui khanukshongwui kankhamena.

PĀNGMONSHI 23:6

Kala chikachāngwui tharāda kaphangāthang Prohowui mingli khawok makazang khamui phanitna; nathumna shinithang khawok makazang khamui shaira.

ZECHARIAH 12:10

“Davidwui shimkhurli kala Jerusalemli kapamabingli ina lumashankathei eina seihā sākatheiwui manglā heirormira, chieina athumna rungthat kahaiapā chili khayang tharan athumna naoho-naotongli chapkhangachā thāda chapngachāra, kala naochizai thikahai thāda ningchotlak eina chapra.

MISHĀN 28:17

Kala kachāng hiwui tharāda kaphangāthang hi phanitna; shinithang khawok makazang khamui shaira.

MISHĀN 9:11

Kachāng kakhanewui tharāda khamatethang ngazin athumna mayonra; athumna khawok makazang khamui kala kakhā hannā eina ngasoda shaira.

LUKE 22:19

Chiwui thili ana khamui khuida ningkashi mijang kahai eina serkhailaga athumli mida hānga, “Hi iwui asāna, nathumwui vang mikahaina. Ili phaningungda hi sāchinglu.”

1 CORINTHNAO 5:8

Chiwui vang eina ithumna phanit khamayon tharan, khawok kazanga khamui thada makaphā-makhayā eina mamayonasa, kha khawok makazanga thada ningkathar kala khamashung eina mayonsa.

KHALATLUI 16:2

Awui ming leikhavai Prohona kapangkakhuia apam chili, nathumna sei nilala lah yao nilala makānkhamiwui pha̱kaphayā nathumna Proho nathumwui Vareli chigatra.

KHALATLUI 4:9

“Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

1 THESSALONICANAO 1:6

Nathumna ithum kala Prohowui kasākhavā sha̱khui kaja nathumna kachotkachāng samphangsālala paokaphā chi Manglā Katharana khami khamathān chi eina khuisanga.

JOSHUA 4:7

chitharan Prohowui tuingashit oko mangāli Jordanwui tara̱ chi thenghaowa kaji nathumna athumli pheichitheira. Jordan khamakān chitharan Jordanwui tara̱ thenghaowa. Chiwui vang eina ngalungguibing hi Israel mibingli katang makhavai phaningung khavai ngasāra.”