KHALATLUI 12:3 - Kathara Bible (BSI)

³ nathumna athumwui hanphutbing pheikhaira, kala athumwui pakra̱ shaokhailaga athumwui Asherim meili riktāmira, kala athumna semkakhui meoma̱ saikora shaokhaimihailaga athumwui aming apam chiwui eina sāshimānhaolu.

KHALATLUI 12:3 Iomraidhean Croise

1 WUNGNAOBING 14:15

tara̱lungli titi khanganuk thāda Prohona Israelli mutngasakhaora, kala athumwui avāva̱ ngarāli khami khamathā ngalei chiwui eina phurshokhaora, kala athumli Euphrates kānda khamathā ngalei chiwui eina yaoyānghaora, khikhalajila athumwui Asherim china Proholi malungvātngasakhaowa.

1 WUNGNAOBING 15:13

Ava̱va̱lila awungva̱ kasāwui eina khuishokhaowa, khikhalajila ana Asherahwui vang ningkakachai meoma̱ sākhui; kala Asana awui meoma̱la sakazamlaga Kidron kongli ariktahaowa.

2 WUNGNAOBING 11:18

Kala mi saikora vālaga Baalwui shim ashaokhaitai; hanphutpamla, meoma̱la shaokathānkhaimiserhaowa kala Baalwui pāngmon Mattanlila hanphut mangāli shaothathaowa. Kala pāngmonna Prohowui shim mayon khavai shantri phāsanga.

2 WUNGNAOBING 18:4

Ana kajujui apambingli sākahai kameopam sākazammihailaga lungkhorla pheimihaowa, tarungla sātekmiserhaowa. Mosesna sākakhui pithraiwui phara̱ chila akha̱ sāmihaowa, kaja atam chitharan eina tangda Israelnaobingna chili nganamkaphā thao riktāsai; chili Nehushtan da hoi.

2 WUNGNAOBING 23:14

Ana lungshomla shaokhaimihai, Asherimla ta̱tekmihaida, apam chili kathinaowui ara̱kui eina chipemihai.

2 THOTRINCHĀN 14:2

Awui Proho Varewui miktāli khamashung kala kaphā ot Asana sai.

2 THOTRINCHĀN 14:3

Ana yur khangateiwui hanphutbing kala kajujui apambing khuithuimiserhaowa, kala lungshom, Asherimla shaokhaitāmiserhaida,

2 THOTRINCHĀN 19:3

Chithālala nawuili kaphā leidalei, kaja nana Asherahbing chi sākhayāngmiserhaida nawui wuklungna Vareli phai.”

2 THOTRINCHĀN 31:1

Saikora hi kupkahaiwui thili, chili khalei Israel saikorana Judahwui keinungbingli vālaga pakra̱bing kala Asherim shaokhaitāda Judah eina Benjamin, kala Ephraim eina Manassehli khalei kajujuipam eina hanphut saikora makupranglakha eina tangda shaokhaivai. Chiwui thili Israelwui mi saikorana kachichāramwui ichichā shimli latungserhaowa.

2 THOTRINCHĀN 34:3

Kum chishat mungda, nganuilak eina leilakha avāva̱ Davidwui Vareli phāphoka; kala tharāda kakhane kum Judah eina Jerusalemwui kajujuipam, Asherim, kala rukkakhui kala heikakhui meoma̱ saikora chiwui eina tharkhavai sai.

LAA 16:4

I maningla vare khangatei kapangkakhuibing, athumwui kakhanang mataisangkhuia; athumwui asheewui ra̱shakchigat ina maheitāmimara! lah athumwui mingla imorchaili masingmara.

SHONGZĀ 23:13

“Ina hāngkahai saikora nganālu kala khangatei varebingwui ming masinglakalu, chili lāngda nathum khamorwui eina nilala mashāranu.

SHONGZĀ 23:24

athumwui varebingli makhorumpaimara, lah otramla mangatha̱paimara, athumwui kasā thadala masāpaimara, kha saikora chi sākazammiserhaida pākra̱ eina tangda akha̱ sāngasaklu.

SHONGZĀ 34:13

Nathumna athumwui hanphutbing sākhaitālu, kala athumwui pākra̱bing sāteklu, kala athumwui Asherim sātekserhaolu.”

ISAIAH 27:9

Chiwui vang eina china Jacobwui khayonkhamāng shimitmihaora; kala china awui morei khuithuikhamiwui kākashung athei ngasāra. Hanphutwui ngalung saikora akha̱ sāngasak kahai tharan, Asherimwui lah nganamkaphā riktākhavai hanphutla maleisāluimara.

JEREMIAH 17:2

anao ngarāna khamatek thingpam kachida kala phungrāton kajujui apambingli lāngmeida athumwui hanphut kala Asherimli khorumchinga.

HOSEA 2:17

Kaja Baalwui aming chi ina awui khamor eina khuithuimihaida mingsinda mahangluimara.

MICAH 5:14

kala nawui Asherimla phurmihaora; kala nawui keinung sākazamserhaora.

ZECHARIAH 13:2

“Kala chithanghon ngalei hiwui eina meoma̱bingwui aming ina katathaida athumli maphaningungluimara; kala ngalei hiwui eina marānbing kala makathara manglāla kashamhaora da saikorawui Prohona hānga,

MISHĀN 33:52

nathumli rida ngalei chili pānkasā mibing saikora nathumna kashamshokserlu, kala athumwui lungshom, kala athumwui heikakhui meoma̱ kala athumwui khorum khavai kajuipam saikora sakazamserlu;

KHALATLUI 12:4

“Proho nathumwui Vareli chithāda masāmara.

KHALATLUI 7:25

Athumna sākakhui meoma̱bingwui ama̱ nathumna meili riktāserphalungra; chili romkahai sinā lupāsā chila makahaopaiamna, lah khalattawui vang makhuipaimana, china nathumli thikhavai sapaishina; kaja hi Proho nathumwui Varewui vang ningkakachai otna.

KHALATLUI 7:5

Kha nathumna athumli hithāda sālu, kaja, athumwui hanphutbing sākhailu, kala athumwui pakra̱bingla shaokhaimihaolu, tarungla ta̱teklu kala athumwui meoma̱ saikora meili riktāmihaolu.

PHONGKHAMI 13:1

Chiwui thili shamadruwui eina sāyur akha kashok ina thei. Awuili angachee tharā kala akui shini kai. Angachee ava̱va̱li kuihon ava̱va̱ kala akui ava̱va̱li Vareli zeikakharui aming kapihai.

WUNGVA̱-WUNGVĀ 2:2

kala nathum hiwui mibingli tuingashit masāpailakmana, nathumna athumwui hanphutbing shaokhaiphalungra.’ Kha nathumna iwui kahāng manganāmana. Nathum hi khi kasākhala?