KHALATLUI 11:9 - Kathara Bible (BSI)

⁹ Chieina nathumli mira da navā ngarāli ngashit kahai, seina̱ eina khuira̱ khalong ngalei chili nathumna sāngmeida okthuira.

KHALATLUI 11:9 Iomraidhean Croise

SHONGZĀ 20:12

“Nava̱ navāli khayāshilu, chithākha Proho nathumwui Varena khami ram chili okpeira.

SHONGZĀ 3:8

Chieina athumli Egyptnaobingwui eina kanshok khavai, kala chiwui eina thānshokta seina̱ eina khuira̱ khalonga khamathā kala khamashā apam Canaannao, Hitnao, Amornao, Periznaobing, Hivnaobing, kala Jebusnaobingwui ngaleili thānvā khavai I katāna.

CHĀNSAM 10:27

Proholi khangacheena okpeingasaka, kha makhayā miwui mirin sha̱ra.

CHĀNSAM 3:16

Okkapei awui yāpāngli lei, kala awui uishong kashāng eina khayākakā lei.

CHĀNSAM 3:2

kaja nali china nawui mirin okkapei kala leikhayā mirin mira.

CHĀNSAM 9:11

Kaja iwui mangā eina nawui atam mataisangra, kala nawui mirinli zingkum ngarumsangra.

EZEKIEL 20:6

Ina athumli tuingashit sāthang, Egypt ngaleiwui eina thānshokmida athumwui vang ina phāshok kahai, khuira̱ eina seina̱ khalong ngalei saikorali tekmateimeikap kaja lam mira da ina ngashit kahaina.

KHALATLUI 1:8

Yanglu, ina ngalei chi nathumwui mangāli haimihaira; vāda navā ngarā, Abraham, Isaac, kala Jacobli, kala athumwui ara̱-azāli mirada Prohona ngashit kahai ram chi akhuilu.’

KHALATLUI 11:10

Khikhalajila nathumna samphangki kaji ngalei chi, nathumna shokkhavai Egypt ngalei thāda yāmguili athā yaoda pāng eina tara̱ chailaga hanthing-hanrā lingkashai kathā maningmana;

KHALATLUI 11:21

okathui mashimānranglakha eina tangda nathumli mira da navā ngarāli Prohona ngashit kahai ngalei chili nathumla, nanao ngarāla okpeimeira.

KHALATLUI 4:40

Chiwui vang eina ina aja nathumli kagaso hiwui athishurda Prohowui shiyan kala awui ningkhamibing chi mayonlu; chithakha nathum, kala nanaongarābingla ringphāmeira, kaja Proho nathumwui Varena metchang kahai ram chili sāngmeida okthuira.”

KHALATLUI 5:16

“‘Proho nathumwui Varena nathumli kaso kahai thāda nava̱ navāli khayāshilu, kaja Proho nathumwui Varena khami ram chili sāngmeida okthui khavaina.

KHALATLUI 5:33

Proho nathumwui Varena nathumli kaso kahai apong saikorali zatlu, chieina nathum okthuida ringphāmeira; kala nathumna samphangki kaji ram chili nathum okpeimeira.”

KHALATLUI 6:18

Kala nathumna Prohowui mikyanli khamashung kala kaphā chi sāra, chieina nathumna mathāmeida zatvāra, kala nathumna vāda Prohona navā ngarāli ngashit kahai khamathā ngalei katum samphangda

KHALATLUI 6:2

chithāda sāda nathumla, nanao mayarabingla, athumwui ara̱-azābingla ina nathumli kaso kahai awui ningkhami kala shiyan hi thangkachida mirinli mayonchingda Proho nathumwui Vareli ngacheera; chithakha nathum okpeimeira.

KHALATLUI 6:3

Chiwui vang eina nganālu O Israel, ning ngasharlak eina chibing chi sākhavai sālu; chithākha nathum mahaimeira, kala navā ngarāwui Proho Vare china nathumli ngashitmi kahai thāda, seina̱ eina khuira̱ khalong ngalei chili nathum kachungkha mayāsangra.

KHALATLUI 8:7

Khikhalajila Proho nathumwui Varena nathumli ngalei khamathā, tara̱na kapem apam, kaphunglila tampāklila ura̱ okta longshon longthai kaje ramli thānzangra.

KHALATLUI 9:5

Nathumwui khamashung khangarongwui vang kala ning khangatarwui vang nathumna athumwui ram chi vākhuiki kaji maningmana; kha yurbingwui makaphā makhayāwui vang Proho nathumwui Vare china kashamhaoki kajina kala navā ngarā, Abraham, Isaac, Jacobli ngashit kahai chi leiching khavai kasāna.