KHALATLUI 11:2 - Kathara Bible (BSI)

² Kala aja zimiksho, (kaja ina mathei-mashārang kaje nanao ngarāli kahāng maningmana), Proho nathumwui Varewui hāngkhamachin phaningkhuilu, awui hakkhamahā kala awui pāngthei kharei machukkhuilu,

KHALATLUI 11:2 Iomraidhean Croise

LAA 136:12

kapanga pāng eina pāngthei katingda kankashoka chili, kaja awui makhangachei leikashi katang mavaimana;

SHONGZĀ 6:6

Chiwui vang eina Israelnaobingli hānglu, ‘Proho chi ina, kala Egyptnaobingwui kachotkachāng otphunwui eina ina nathumli thānshokra, kala nathumna narkahaiwui eina shokra; kala ipāng katingda mashun bichar sāda nathumli ngatangkhuira.

CHĀNSAM 22:19

Nawui ningkatong chi Proholi leikhavai ina aja hāngkachitheina, nalina.

ISAIAH 53:5

Kha ithumwui chonkhamakanwui vang a khamā kaza̱na. Ali ithumwui khayonkhamāngwui vang phasa shiningmi, ali hāngkhamachin chieina ithumli kharai samphanga; kala awui khamāchon china ithumli raimi.

OTSAK 26:22

Kha aja rāshungda ina Varewui khangachon samphanga. Chieina ina hili nganingda kharei kateo makhaila shākhi hi khamina. Marānbing eina Mosesna shokrada hāngkahai chili henda ina khikha mahāngmana.

KHALATLUI 29:10

“Nathum aja nathumwui wungva̱bingla, khararnaobingla, kala otva̱bingla, Israelnao saikora Prohowui mangāli nganingserda leili,

KHALATLUI 3:24

‘O Proho Vare, nawui sāshap-vāshap kala reikhamatai naraobingli sachitheithathar kajina; kaja kazingli, lah okathuili nawui sākashap thāda khi varebing leikhala?

KHALATLUI 4:34

Maningakha akhalattawui vang yur akhali khangatei yur akhawui eina chāng yangda, matakhak kahai masākharar khudam eina, tekhamatei eina, kala rai eina, kapanga pāng eina pāngthei katingshokta, lah kahaka khangachee otsak eina, nathumwui miktāli Egyptli nathumwui vang Proho nathumwui Varena ot saikora sākhami thāda kachikathā vare akhana sāmiyanghairala?

KHALATLUI 5:24

kala nathumna hānga, ‘Yanglu, ithumwui Proho Varena awui tekhamatei khangam-kharei chithei, kala ithumna meilungwui eina awui akhon shāhaira; Varena mili ngazeklala mina ringa kaji aja ithumna theihaira.

KHALATLUI 7:19

nathumwui mik eina theikahai hakkhamahā otsak sāchithei kahai, khudambing, pāngthei kharei katingshokta Proho nathumwui Varena thānshokkhami chi tākam eina nathumna khangachee yurbinglila Proho nathumwui Varena chithāda sāmira.

KHALATLUI 8:19

Kala kalikhada nathumna Proho Vareli malaihaida yur khangateiwui varebingli shurthuihaida kala athumli khorumda otram ngatha̱akha, ina aja saklak eina kahāng hina kaja, nathum thiphalungra.

KHALATLUI 9:26

Kala ina Proholi seihā sai, ‘O Proho VARE, nawui mi sākhavai, nawui pangshap eina ngatangkhui kahaiya, Egyptwui eina nawui pāngthei kharei eina thānshok kahai nawui shimlui samphangki kaji mibing hili masāshimānmihaialu.

JOSHUA 24:31

Kala Joshuawui atamli kala a thikahaiwui thili ringkhavā ararbing, kala Prohona Israel mibingwui vang sāmi kahai katheibing ringlakha eina tangda Israelwui mibingna Proholi otram ngatha̱sai.