KHALATLUI 11:17 - Kathara Bible (BSI)

¹⁷ chithāda Prohowui malungkhavāt nathumli tāshungda kazing marokhami eina ngalei chiwui theishirai mashokpaishina, chieina Prohona nathumli khami khamathā ngalei chiwui eina nathum thaklāk eina thaichāmda shimānhaipaishina.

KHALATLUI 11:17 Iomraidhean Croise

1 WUNGNAOBING 8:35

“Athumna nali morei kasāwui vang kazingram shunghaoda kazing marokhami tharan, nana athumli kachot mida athumna apam hili ngareirāda seihā saakha, namingli poda moreiwui eina nali ngareiungakha,

AMOS 4:7

“Kala ina mā hātnanai kachāng kathum vātlakha, kazing maro ngasakmara; ina keinung akhali rongasakra, khangatei akhali marongasakmara; luipam akhali rotāmira, marokatā pam chi thenghaora;

2 THOTRINCHĀN 6:26

“Athumna nawui mangāli morei sāhaida kazing maromila kāngmarānghaida, nana rekakharek tharan, athumna shim hishong ngareiungda namingli seihā sāda athum moreiwui eina ngareiungakha,

KHALATLUI 6:15

khikhalajila nathumli ngasokazata Proho nathumwui Vare chiya mikpaishikatha Varena; awui malungkhavāt nathumwuitungli rāda nathumli okathui leimaiwui eina shimithaipaishina.

KHALATLUI 4:26

nathumwui shākhi sākhavai aja ina kazing ngaleiwui mingzaida nathumli kahāngna, kaja nathumna Jordan kānda apamki kaji ngalei chili nathum masāngla shimān ngakanhaora; nathum chili sāngda maokthuimara kha shimānchaohaora.

2 THOTRINCHĀN 7:13

Ina kazing khāmong shunghaida kazing marokatā tharan, lah ngalei hili khalei shaikhavai khaohli kagaso tharan, lah iwui mibingwui alungli kazātkashi kashirāt tharan,

1 WUNGNAOBING 17:1

Chitharan Gileadli khalei Tishbewui Elijahna Ahabli hānga, “Makashimāna Israelwui Proho Varewui mangāli ina nganingda kahāngna kaja, iwui kakaso maningla atam kasāngkha kazingla maromara, ikra̱la matāmara.”

KHALATLUI 9:19

Kaja nathumli Prohona malungvātta maringkaphā chiwui vang I ngacheenahaowa; chiwui vang nathumli ana shimān ngasakkida sai. Kha atam chilila Prohona ili shāmi.

KHALATLUI 31:20

Kaja avāva̱ ngarāli mikhavai ina ngashit kahai ngalei, seina̱ eina khuira̱ khalong ngaleili athumli thānkhavā chitharan kala athumna phāshak phazāda katho eina athumna khangatei varebingli ngareithuihaida otram ngatha̱ra kala ili ningkachaida iwui tuingashit sākhaira.

JOBWUI LAIRIK 12:15

Ana tara̱ khāmhaiakha, thenghaowa; ana chihoakha ngaleitungli phongshilonga.

PĀNGMONSHI 26:19

kala nathumwui langso khavai pangshap chi sakhaimihaida kazingla mari thāda, ngaleila pithrai thāda sāmira;

PĀNGMONSHI 26:20

nathumwui yang aremali shimānra, kaja luili heiun machungsangmara, kala atheirongnala athei mamatheimara.