KHALATLUI 11:16 - Kathara Bible (BSI)

¹⁶ Ningngasharlu, ningngacheihaida vare kateibingli otram ngatha̱da khorumhaipaishina,

KHALATLUI 11:16 Iomraidhean Croise

HEBREWNAO 3:12

Ivānaongarā! Kharinga Varivarawui eina mangareithui khavai zakkashi ning kala mashitkasang ot maphaning khavai ning ngasharlu.

HEBREWNAO 2:1

Chiwui vang eina ithumna shākahai khamashung chi ngazipmeida singphalungra, chithākha ithum chiwui eina mangaphongthuimara.

JOBWUI LAIRIK 31:27

ngathumda iningna malungchāngda, kala khalatta pāngli maya̱khuiakha,

JAMES 1:26

Kachikathāna dharma leilaka da phaninglala maleli makhāmrarakha awui dharma chi aremana, chi akhalatta mikhanamna.

KHALATLUI 29:18

Sha̱naoranu, mayarnaoranu, shimkhurranu, shangranu ning ngasharlu, maningakha aja Proho nathumwui Vareli horhailaga yur kateiwui varebingli makhorum khavai ning ngasharlu; maningakha nathumwui ngachaili, kathiri kaphunga angayung kala kakhā athei khamathei thingrong kathā zanghaipaishina.

1 JOHN 5:21

Inaongarā, meoma̱li makhorumalu.

LUKE 21:34

“Ngasharda rimpamlu! Okathui hiwui lumkhalao, khamarip kala mirinwui vang kaphaning china nathum khalattali mayui ngasakalu, atam chi kashuirak eina khale thada rārāsāpaishina.

ISAIAH 44:20

Ana hotla zai, kakapik ningna ali thannguithuihaira, kala akhalatta kahuila mahuirar lah “Iwui yāpāngli kakapik maleimala?” da kahāngla mahāngrarmana.

KHALATLUI 30:17

Kha kalikha nathumwui ning ngareithuihaida nathumna manganāsangakha, kala khangatei varebingli khorumda otram ngatha̱thuihaiakha,

KHALATLUI 8:19

Kala kalikhada nathumna Proho Vareli malaihaida yur khangateiwui varebingli shurthuihaida kala athumli khorumda otram ngatha̱akha, ina aja saklak eina kahāng hina kaja, nathum thiphalungra.

KHALATLUI 4:23

Nathum khalatta ningngasharlu, maningakha Proho nathumwui Varena ngashitmi kahai chi malaihaipaishina, kala Prohona makhamayā meoma̱ sakhuipaishina.

PHONGKHAMI 20:4

Chiwui thili wungpamkhong kachungkha ina thei, bichar sākhavai mayāmi kahaibingna chili pama. Varivarawui tuiwui vang kala Jishuwui kathar tuiwui vang akui rangtāmi kahaibing, sāyur chili kala awui ama̱li makhokharumbing, kala apāngli, akhaveili mahor makhanambingwui manglāla ina thei. Athumna ringluida Khristali ngasoda kum thingkha munga,

PHONGKHAMI 13:14

Ali sāyur khare chiwui mangāli matakkhak kahai ot sākhangasak chiwui mangā eina ana okathuili minamda, akui khamā za̱laga raikahaiya sāyur chiwui meoma̱ sākhui ngasaka.

PHONGKHAMI 12:9

Chieina phara̱ kasara, okathui katongali thānkhanguia, aming Satanla, Chipeela kaho dragon chi awui kazingraobingli ngasoda okathuili hortāhaowa.

HEBREWNAO 12:15

Varewui lukhamashanwui eina khipākha mangareithui khavai ngasharlu, khipākha kakhā thing kaphor thada chiwui hu eina yaruili makhonzār ngasakalu.

HEBREWNAO 4:1

Ara, Varewui ngasāmkakhui chili zangkhavai ana ithumli ngashitkhami chi mida lei. Chiwui vang eina khipākha ngasāmkakhui chili mazangkharar malei khavai ning ngasharra.

LUKE 21:36

Kha atam kachida ningngasharlu kaja rashokki kaji ot saikora hiwui eina yāmshokshap khavai kala miwui Naomayarawui mangāli nganingshap khavai seihā sāchinglu.”

LUKE 21:8

Chieina ana hānga, “Nathumli mathānngui khavai ning ngasharlu; kaja mi kachungkhana iwui ming singda rālaga ‘I ana’ kala ‘Atam chi nganailakhaira’ da hāngra. Chithālala athumwui thi mashurlakalu.

KHALATLUI 13:3

marānbing nilala, mang katheiapali nilala manganāsangalu; kaja nathumna Proho nathumwui Vareli wuklung kala manglā kala ningtongda leishikā maleishikhala da Proho nathumwui Varena nathumli chāng katamna.

KHALATLUI 4:9

“Ning ngasharmalu, ningli phumtithailu; nathum mik eina theikahai chila malaihaipaishina, kala mirin peida yansāngthuihaipaishina; nathumwui naongarā kala ara̱-azālila chi hāngchitheilu—

KHALATLUI 31:20

Kaja avāva̱ ngarāli mikhavai ina ngashit kahai ngalei, seina̱ eina khuira̱ khalong ngaleili athumli thānkhavā chitharan kala athumna phāshak phazāda katho eina athumna khangatei varebingli ngareithuihaida otram ngatha̱ra kala ili ningkachaida iwui tuingashit sākhaira.

1 SAMUEL 12:20

Chieina Samuelna athumli hānga, “Mangacheealu; nathumna khayon saikora hi sāhaira, chitha-ilala Prohowui thi kashurwui eina mangareithuihaialu, kha Proholi nathumwui ning tongda otram ngathalu;

1 SAMUEL 12:21

kala arema ot, nathumli katong makhalei lah kaphā makhalei otbingwui thi mashurthuihai alu, kaja athum khikha masākhavaiana.

1 WUNGNAOBING 8:35

“Athumna nali morei kasāwui vang kazingram shunghaoda kazing marokhami tharan, nana athumli kachot mida athumna apam hili ngareirāda seihā saakha, namingli poda moreiwui eina nali ngareiungakha,

KHALATLUI 5:7

“‘I maningla vare katei maleimana.

KHALATLUI 12:30

athumli shurda nathumla khalenli mamanhaialu; athumli nathumwui mangāli shimitmi kahaiwui thili, athumwui varebingwui ponglila, yurbing hina kathāda athumwui varebingli otram ngatha̱khala?— ila chithāda sāsika da mangahānalu.

KHALATLUI 17:3

kala vare khangateibingli vāda otram angatha̱da khorumthuihaiakha, lah zimiklilapai, kachānglilapai, kala ina makhamayā kazingramli khalei khangatateililapai khorumakha,

KHALATLUI 28:14

kala ina aja hāngkahai ningkhami hiwui eina nathumna yashongranu lah uishongranu khangatei varebingli ngareithuida otram mangatha̱alu.

KHALATLUI 29:17

kala nathumna athumwui yangkakharinga otbing, thing-ngalung, lupāsā kala sināwui meoma̱la athumwui alungli leikasā theihaira.