10 Khikhalajila nathumna samphangki kaji ngalei chi, nathumna shokkhavai Egypt ngalei thāda yāmguili athā yaoda pāng eina tara̱ chailaga hanthing-hanrā lingkashai kathā maningmana;
Ngalei chiwui pākra̱ kasābingla akha̱ sāhaora, kala ngalang kapheia saikora khananghaora.
Ina ra̱khong khonmanga, kala Egypt kong saikora ipheimayā eina thengngasaka.
Athei-arai kala khamathā otyurbing eina ringphā khavai, khavāt makhalei lamli ina nathumli thānsangmi. Kha nathumna chili vākashung tharan iwui ram sākhamānghaowa, kala iwui shimlui ningkakachai ot ngasa ngasakhaowa.
Egyptwui shimkhurna athum khalatta marākaakha, chumpha̱ phanit makhamayon yurbingli rekakhareka mimao chi athumwuitungli tāra.
kha nathumna vākhuiki kaji ngalei chi kazingram eina zingrot tāmida vazāki kaji kaphung eina tampākna,
Chieina nathumli mira da navā ngarāli ngashit kahai, seina̱ eina khuira̱ khalong ngalei chili nathumna sāngmeida okthuira.
Khikhalajila Proho nathumwui Varena nathumli ngalei khamathā, tara̱na kapem apam, kaphunglila tampāklila ura̱ okta longshon longthai kaje ramli thānzangra.