KHALATLUI 10:4 - Kathara Bible (BSI)

⁴ Kala yaruina kazipthang, phungreili meilungwui eina Prohona nathumli kahāng tui, ningkhami tharā chi, kharewui thāda apāng eina lungphek khani chili kapimi, kala Prohona ili mi.

KHALATLUI 10:4 Iomraidhean Croise

SHONGZĀ 31:18

Kala Sinai Kaphungtungli ngazekkup kahaiwui thili Varewui pāngmareng eina kapisang kahai, tuingashitwui lungphek khani chi Mosesli mihaowa.

SHONGZĀ 34:1

Prohona Mosesli hānga, “Lungphek khani kharewui tākam eina sākhuilu; kala nana sakhai kahai lungphekli kapi kahai tui chi ina kapimiluishitra.

SHONGZĀ 34:28

Kala ana Proholi ngasoda chili ngashun hangmati kala ngayā hangmatithang pama; kazāla mazāmana lah khamangla mamangmana. Kala ana lungphektungli tuingashitbing, ningkhami tharā chi kapisanga.

KHALATLUI 18:16

nathumna Horebli yarui kazipthang, Proholi ningchangda, ‘Iwui Proho Varewui akhon mashāluingaiga, lah awui hakkhamahā meila matheiluingaiga maningakha I thihaipaishina’ da hānga.

KHALATLUI 9:10

Kala Varena awui pāngmareng eina kapilaga lungphek khani chi Prohona ili mi; kala yarui kazipta leilakha phungreitungli meilungwui eina Prohona nathumli kahahāng chi chili kapisangsera.