KHALATLUI 1:11 - Kathara Bible (BSI)

¹¹ Ana nathumli ngashit kahai athishurda aruila navā ngarāwui Proho Varena nathum khaleiyākha thingthing mataida ngarumsangmiranu, kasola somiranu!

KHALATLUI 1:11 Iomraidhean Croise

HAOKAPHOK 15:5

Kala ana ali ayarshong thānshokta hānga, “Kazingramshong yangkālu; nana sirabing chi shānkhuishapakha shānkhuilu.” Chieina ana hānga, “Nawui naotunla chiyākhara.”

HAOKAPHOK 22:17

kachangkhat ina nali somira, kala ina nawui ara̱-azā kazingli khalei sirāyākha kala kongpheiwui situiyākha ngasā ngasakra. Kala nawui ara̱-azāna nawui yangkashebingwui ngavei khavangra.

HAOKAPHOK 26:4

Ina nawui ara̱-azā kazingramwui sirāyākha mataisangmira, kala ram saikora hi ina nathumli mira; nawui ara̱-azāwui eina okathuiwui miyur saikora athum khalatta sokhami ngasāra:

HAOKAPHOK 49:25

nali ngachonmiki kaji navāwui Varena; Sāshapa Vare nali ngachonmiki kaje china, atungshongwui sokhami, kathukalungli khaleiya sokhami tara̱ kathā, mathik eina naopamwui sokhame china nali somira.

2 SAMUEL 24:3

Kha Joabna awungali hānga, “Leida khalei hiwuitungli shākha shida nawui Proho Varena nawui mik raklakha ngarumsangmiranu; kha ishāmei awungana khiwui vang sākhangaikhala?”

1 THOTRINCHĀN 21:3

Kha Joabna hānga, “Arui leida khalei hili Prohona shākha shida ngarumsangmiranu! Athum hi, iwui amei awunga, ishāmei nawui mi maningsermala? Chithākha ishāmeina khiwui vang theingaihaokhala? Khiwui vang Israelli khayon rāngasakngaikhala?”

LAA 115:14

Prohona nathumli mataisangmiranu, nathum kala nathumwui naongarāli!

SHONGZĀ 32:13

Nawui raobing Abraham, Isaac kala Israelli phaningungmilu, kala na khalattana athumli ‘Ina nawui ara̱-azā kazingramwui sirāyākha ngasa ngasakra, kala ina ngashit kahai lam saikora hi nawui ara̱-azāli ina mira, kala athumna katang mavaila pānra’ da shākhi sāda hāngkahaina.”

EZEKIEL 16:7

arongwui akhar thāda okthuiranu’ da ina hānga. Chieina nana ngatarlak eina rarmamānda akhok kajuiva̱ ngalanao akha ngasāhaowa; ana̱la oka, kala nawui samla sāngsanga, chithālala na mahonghathai.

MISHĀN 22:12

Varena Balaamli hānga, “Na athumli mangasovāpaimara; nana miyur chili makhonshipaimara, kaja athum somi kahaiyana.”

MISHĀN 6:27

“Chithāda sāda athumna iwui ming Israel mibingwuitungli haira, kala ina athumli somira.”

KHALATLUI 1:10

Proho nathumwui Vare china nathumli kachungkha mayāsangmihaira, kala yanglu, ara nathum kazingramwui sirāli ngayāhaira.

KHALATLUI 1:12

Kha nathum hiyākhawui kharit otphun kala nganang khangazai imāngna kathāda phungra?

KHALATLUI 1:8

Yanglu, ina ngalei chi nathumwui mangāli haimihaira; vāda navā ngarā, Abraham, Isaac, kala Jacobli, kala athumwui ara̱-azāli mirada Prohona ngashit kahai ram chi akhuilu.’

KHALATLUI 10:22

Navā ngarā athum hangshinimāng Egyptli tai; kha ara Proho nathumwui Varena nathumli kazingramwui sirāyakha thāda mataisangmihaira.

KHALATLUI 28:62

Nathum kazingramwui sirā yakkhasālala, nathum mashing kateokhamāng taihaora, khikhalajila nathumna Proho nathumwui Varewui kahāng manganāmana.